Asambleja e OGP, Kryeministri Albin Kurti udhëton drejt Estonisë

Kryeministri i Kosovës, Albin Kurti, së bashku me ministrin e Administrimit të Pushtetit Lokal, Elbert Krasniqin, kanë udhëtuar drejt Tallinit në Estoni, ku do të marrin pjesë në Samitin Global të 8-të të Open Government Partnership, OGP, që këtë vit organizohet nga Qeveria e Estonisë.

Në ceremoninë e hapjes së Samitit, Kryeministri Albin Kurti do t’i drejtohet Asamblesë së OGP-së, pas anëtarësimit së fundmi të Kosovës në këtë organizatë ndërkombëtare.

Gjatë ditës, Kryeministri Kurti, gjithashtu do të zhvillojë një takim dypalësh me Kryeministren e Estonisë, Kaja Kallas, si dhe takime tjera dypalëshe.