Asambleja e PS, Edi Rama shkarkon ministrat që hetohen nga SPAK. Ja emërimet e reja…

Duke filluar fjalën e tij në Asamblenë e PS me paralajmërimin në rrjetet sociale se do ketë ndryshime në qeveri, sot Kryeministri Edi Rama mbajti në tension vetëm ata ministra që ishin në shënjestër të SPAK-ut, dhe ishin në pritje nëse kryetari i tyre i partisë do t’i lëshoj në “gojën e Dumanit”.

Pas fjalës së lodhshme prej 80 minutash dhe pa lidhje me realitetin, ku pjesën më të madhe ia kushtoi turizmit dhe nuk tha asnjë fjalë për dështimet, ai në fund largoi të dështuarit, ata që burrat i shpallën investitor strategjik, vjedhën fondet e Komisionit Evropian, paguan tenderat e rrugëve pa kriter ndërsa kryetarit më të suksesshëm të bashkisë, siç e pagëzoi, i emëroi një shef fondesh ose më saktë Ministër të Pushtetit Vendor.

Kështu, Olta Xhaçka u largua duke e lënë Gjykatës Kushtetuese të merret me të, ndërsa drejtimin e Këshillit të Sigurimit që synonte Xhaçka do ta realizoj zëvendësuesi i saj, Ministri i ri për Europën dhe Punët e Jashtme, Igli Hasani.

Ogerta Manastriliu është kapërcimi më çuditshëm socialist! Sikur një abuzuese me tenderat e librave të zhvendosej tek koncesionet shëndetësore edhe mund të kishte kuptim, por zhvendosje e Manastirliut nga Ministria e Shëndetësisë në Ministrinë e Arsimit dhe Sportit; Dhe, normalisht Ministria e Shëndetësisë dhe Mirëqënies Sociale u la në duart e një socialisti të sprovuar në punët e bashkisë, siç është, Albana Koçiu.

Pas auditit të brendshëm të qeverisë Delina Ibrahimaj duhej të dorëzonte Ministrinë për Ekonominë dhe Financat, kështu dhe ndodhi dhe kjo ministri iu besua zëvendësuesit të saj dhe G-99-shit të njohur, Evin Mete.

Gjithsesi, Delina Ibrahimja nuk u la në rrugë përderisa vazhdon të ekzistoj një ministri p[a lidhje si ajo për Sipërmarrjen dhe Klimën e Biznesit, të cilën deri më sot e drejtoi njeriu më pa lidhje në këtë qeveri, Edona Bilali.

Nuk dihet se a do të ketë abuzime me fondet në Ministrinë e Bujqësisë dhe Zhvillimit Rural prej sot kur kjo ministi do të drejtohet nga Anila Denaj, por e sigurt është se fondet evropiane të paktën do jenë më të respektuara se sa kur ishin në duart e Frida Krifcës.

Në fund, pamjet e sikletshme të Kryetarit të Bashkisë, Erion Veliaj, gjatë fjalës së Kryetarit të PS, Edi Rama, u arsyeton me shpalljen e ministrisë së re dhe ministrit të saj nga Kryeministri që do ti qëndroj dhe çekiç mbi kokë me shpërndarjen e fondeve, Ministrit për Pushtetin Vendor, Arbian Mazniku.

Ndryshimet në kabinetin e qeverisë

-Ministër për Europën dhe Punët e Jashtme, Igli Hasani

-Ministër i Arsimit dhe Sportit, Ogerta Manastirliu

-Ministër për Ekonominë dhe Financat, Ervin Mete

-Ministër i Bujqësisë dhe Zhvillimit Rural, Anila Denaj

-Ministër i Shëndetësis dhe Mirëqënies Sociale, Albana Koçiu,

-Ministër Shteti për sipërmarrjen dhe klimën e bizensit, Delina Ibrahimaj

-Ministër Shteti për Pushtetin vendor, Arbian Mazniku