Asambleja/ Rama përjashton deputetin e PS që protestoi kundër policisë

Nga foltorja e Asamblesë së Partisë Socialiste, Kryeministri Edi Rama ka përjashtuar nga Grupi Parlamentar deputetin e Kurbinit, Gjetan Gjetani, i cili dje doli kundër policisë dhe bëri thirrje për protesta, për shkak të vrasjeve të ndodhura në këtë qytet

“Nuk e pashë dhe ka bërë shumë mirë që s’ka ardhur deputeti i Kurbinit që duhet të përjashtohet nga PS. Nuk ka bërë asnjë punë por ka shantazhuar dhe ka bërë presion dhe kërkon ekskluzivet për të vënë shefa policie në Kubrin. Dhe bën një deklaratë pocaqi aty, nuk duhet të jetë më në PS. Duhet të jetë mësim për deputetet për të ndarë njëherë e mirë punën nga futja e hundëve nga ndërtimi i shtetit. Se faturat e hajdutëve në hipoteka që janë futur me mbështetje politike dhe farefisnorë nuk i marrin ata që ndërhyjnë por i merr PS”, tha Rama

Dje deputeti në Facebook shkruante:

Ngjarjet e fundit të ndodhura në Kurbin, më kanë shqetësuar shumë. Duke bërë që në Kurbin, mos ndihemi të sigurtë. Eksploviz, kërcënim me armë dhe vrasjen e dy të rinjëve tregon që policia ëhstë hallkë shtetërore shumë e paaftë. Kjo tregon se në Kurbin kanë sjellë oficera dhe drejtues policie të paaftë, të korruptuar dhe ordinera. Si deputet i kësaj zonë kam pas ankesa të shumtë nga qytetarët të cilat do ti bëj publike në Parlament. Brenda muajit shtator do të kërkojë interpelancë me ministrin e Brendshëm, dhe në qoftë se nuk do të marrë masa për pastrimin e Komisariatit të policisë Kurbin, unë i pari do ngrihem në protestë, duke kërkuar mbështetjen e të gjithë qytetarëve të Kurbinit, pa marrë parasysh ngjyrat politike.