Asociacioni, BE: Drafti i Edi Ramës serioz, po presim Draftin e Maqo Lakrorit!
Megalomania e Edvin Kristaq Ramës nuk ka kufi! Pasi bëri të ditur dje se ka hartuar një Draft të Statutit për Asociacionin e komunave me shumicë serbe, Kryeministri i Shqipërisë, Edi Rama, tha se u ka dërguar Presidentit të Francës, Emmanuel Macron, dhe Kancelarit të Gjermanisë, Olaf Scholz, shkaktoi një fortunë të madhe në hapsirën shqiptare duke deklaruar se nuk e kishte kontaktuar fare Kryeministrin e Kosovës, por, nuk u mjaftuar me kaq!
Sot, përmes burimeve të tij serbomadhe, sjell lajmin përmes Ervopës së Lirë në gjuhën serbe, se si ky Draft i Statutit të Asociacionit ka arritur në adresë të Këshillit Evropian, dhe sipas burimeve diplomatike të po kësaj radioje, ata e kishin parë dhe e kanë vlerësuar se “bëhet fjalë për një dokument serioz të cilësisë së lartë”.
“Ndonse burimi i Brukselit konfirmon se teksti i Draftit të Statutit të Asociacionit po analizohet me kujdes, megjithatë thuhet se dokumenti po trajtohet edhe si një kontribut, të ngjashëm me draftet tjera që janë hartuar nga organizata të ndryshme.”
Por, burimet diplomatike në BE të Evropës së Lirë në gjuhën serbe saktësojnë se nuk është e rëndësishme se si e konsideron Bashkimi Evropian këtë draft, por, “si e konsiderojnë këtë draft Serbia dhe Kosova”.
“Prishtina dhe Beogradi duhet përparojnë në kuadër të dialogut për plotësimin e këti detyrimi,” tha një diplomat evropian për Evropën e Lirë në gjuhën serbe i cili deshti të mbetet anonim.
Të interesuar për këtë zhvillim të ri, “Pafrikë.al” arriti të kontaktoj një diplomat nga Këshilli Evropian i cili gjithashtu deshti të mbetet anonim, dhe konfirmoi se ky Draft i Edi Ramës po analizohet, por meqë në tokën shqiptare Kryeministri Rama rival të vetëm ka Maqo Lakrorin, po pritet një Draft i tij eventual në mënyrë që tabloja e themelimit të një Asociacioni të komunave me shumicë serbe të jetë më e plotë, dhe Draftet e dorëzuara të plotësojnë njera-tjetrën.
Kështu, aktualisht ekzistojnë katër drafte të Statutit dhe draft-vizione: Drafti i Statutit i Ekipit Menaxhues, Drafti i Vizionit të Albin Kurtit, Drafti i Statutit i Friedrich-Ebert-Stiftung, dhe Drafti i Statutit i Edi Ramës!
Ndryshe, Maqo Lakrori, në vitin 2009 ishte kundërshtar i kryeministrit Edi Rama në garën për Kryetar të Partisë Socialiste!
Kryeministri i Shqipërisë, Edi Rama, ka thënë më 8 qershor, se ua ka dërguar një draft për Asociacionin, presidentit të Francës, Emmanuel Macron, dhe kancelarit gjerman, Olaf Scholz.
