Atentat në Bllok, Tiranë: Identifikohet viktima, shoqëruesi i Ervis Martinajt
Zbulohet identiteti i personit i cili ka mbetur i vrarë në atentatin me armë zjarri në një lokal në zonën e Bllokut në Tiranë.
Viktima është Rigers Gaxha, i afërm i Ervis Martinajt dhe i njohur si krahu i djathtë dhe bodigardi i Martinajt. Ndërsa i plagosur rëndë ka mbetur edhe Laert Hasa.
Ngjarja ndodhi rreht orës 21:40 minuta në një lokal në ish-Bllok, në pronësi të biznesmenit Redi Popesku. Dyshohet se autorët kanë qëlluar me armë zjarri në drejtim të Ervis Martinajt, ndërsa në këtë moment ka ndërhyrë Rigers Gaxha. Ky i fundit ka humbur jetën në vend ndërsa Martinaj dhe një person tjetër ka mbetur i plagosur.
Mësohet se Martinaj është jashtë rrezikut për jetën, ndërsa Hasa ndodhet në gjendje të rëndë në Spitalin e Traumës.
