Atentat në Bllok, Tiranë: Plagoset Ervis Martinaj, vritet miku i tij i ngushtë

Një i vrarë dhe 2 të plagosur. Ky është bilanci i një ngjarje të rëndë sot në ish-Bllok të Tiranës. Ngjarja ka ndodhur në një nga lokalet e kësaj zone.

Mësohet se një nga të plagosurit është Ervis Martinaj, një emër i lakuar edhe më herët për problemet me drejtësinë. Të njëjtat burime theksojnë se ai është jashtë rrezikut për jetën. Ndërsa viktima nuk kishte asnjë mjet identifikimi dhe ka vështirësuar identifikimin, por dyshohet se është i afërm i Martinajt

Ndërkohë mesohet se i plagosuri tjeter është Redi Popesku, edhe ky jashtë rrezikut për jetën.

Ndryshe, Ervis Martinaj është akuzuar si bashkëpunëtor në një vrasje të ndodhur në Linzë, por edhe në disa raste të tjera. Martinaj ka qenë oficer policie, por u largua pas operacionit të policisë kundër lojërave të fatit.

Njoftimi i policisë:

 Informacion paraprak

Më datë 04.10.2018, rreth orës 21:50, në zonën e “Bllokut” në rrethana ende të paqarta janë plagosur me armë zjarri dy shtetas dhe një tjetër ka mbetur i vrarë.

Po punohet për zbardhjen e rrethanave të ngjarjes, identifikimin dhe kapjen e autorit/ve.