Atentat në Shkodër/ Një i vrarë e një i plagosur, policia jep detajet…

Një i vrarë dhe një i plagosur. Ky është bilanci i një atentati me armë zjarri në Shkodër.

Sipas të dhënave të para mësohet se ngjarja ka ndodhur në lagjen Rus të këtij qyteti. Viktima është identifkuar si Fatos Ferracaku, ndërkohë që i plagosur ka mbetur një shtetas i identifikuar me emrin Fatmir Mehaj.

Nga hetimet paraprake ka rezultuar se autorët kanë qenë persona ende të paidentifikuar, të maskuar, që kanë hapur zjarr nga një motoçikletë.

Viktima është qëlluar me plumb në kokë dhe skena e tmerrshme ka ndodhur në një zonë të populluar me shumë njerëz. Mësohet se viktima merrej me tregtinë e peshkut.

Policia e cila ka  mbërritur në vendin e ngjarjes nisi menjëherë hetimet për zbardhjen e saj dhe identifikimin e autorëve.

Pak minuta pas krimit, në zonën e Livadhes është gjetur një motoçikletë e djegur, për cilën policia dyshon se u përdor nga autorët, në lagjen “Guerrile”.

Njoftimi i Policisë

Sot rreth orës 11:15 në lagjen “Partizani”, në vendin e quajtur ‘Merkata Rus’, dyshohet se dy persona me motoçikletë kanë qelluar me armë zjarri në drejtim të shtetasit F.V. 31 vjeç, i cili ka ndërruar jetë në
Spitalin Rajonal Shkodër.

Nga të shtënat është plagosur dhe shtetasi F.M., i cili ndodhet jashtë rreziku për jetën nën kujdesin e mjekëve.

Në vendngjarje ndodhet grupi hetimor dhe po punon për sqarimin e rrethanave të ngjarjes.

Policia e Shkodrës e mbështetur nga FNSH Shkodër ka ngritur pika kontrolli dhe në gjithë zonën ku dyshohet se janë larguar autorët.

Policia ka gjetur dhe një mjet motoçikletë të djegur, që dyshohet se u përdor nga autorët, në lagjen ‘Guerrile”.

Po punohet intensivisht për identifikimin dhe kapjen e autorëve.

Policia e Shkodrës fton çdo qytetar që ka informacion dhe mund të ndihmojë, të telefojnë falas në nr 112!