Atentati ndaj Yannis Lalas, arrestohen 4 shqiptarë, anëtarë të një organizate vrasësish me pagesë

Anëtarët e një organizate kriminale vrasësish me pagesë, të cilët dyshohet se tentuan të vrisnin Yannis Lalas, u prangosën mëngjesin e sotëm nga policia greke.

Sipas informacioneve, ata janë dy grekë dhe katër shqiptarë. Atentati ndaj Lalas, në maj të vitit 2025 në Liosia, dyshohet se është kryer nga katër shqiptarët.

Njëri prej tyre, i cili njihet me nofkën “Demos”, është akuzuar në të kaluarën për vrasje dhe atentate.

Policia greke raportohet se ka gjetur katër kallashnikovë dhe tre pistoleta, si edhe  një sasi kokaine e parash.

Ende nuk janë bërë të ditura detaje të mëtejshme, pasi hetimi është ende në vazhdim.

Kujtojmë se Yannis Lalas u ekzekutua në Arachova më 1 nëntor të vitit 2025.