Atentatori dhe Edi Rama gënjejnë, PD: Faktet dëshmojnë se sulmuesit janë…
Ndonëse mbrëmë mediat në shërbim të Kryeministrit krijuan idenë se Partia Demokratike, lideri i saj Lulzim Basha dhe Presidenti i Republikës, Ilir Meta nxituan duke politizuan sulmin dhe duke akuzuar Partinë Socialiste për atentatin ndaj Zyrave të PD të Kavajës, ku mbeti i plagosur, Sekretari Bledar Okshtuni, sot pas daljes publike të autorit të krimit në kërkim, Ndriçim Jonuzi, ku deklaron se ngjarja nuk ka lidhje me politikën dhe ai na qenka demokrat, si dhe reagimit të Kryeministri Rama se autori s’ka lidhje me PS, Partia Demokratike sjell fakte të reja ku vërtetohet se krimineli në kërkim jo vetëm që ka lidhje me Partinë Socialiste por është bashkëpunëtor i ngushtë i saj, ose më saktë i kryetarit socialist të Bashkisë Kavajë, Redian Krali.
“Edi Rama merret me gënjeshtra dhe manipulime ndërkohë që dhunuesit nuk janë arrestuar akoma! Asnjë gënjeshtër nuk e ndihmon dot Ramën, sepse të gjitha faktet dëshmojnë se sulmuesit e djeshëm janë njerëzit e tij dhe kanë vepruar me qëllim. Ky është një sulm kriminal kundër demokracisë sonë nga një njeri që tashmë e di se do t’i humbe zgjedhjet,” thekson Partia Demokratike në reagimin e saj e bindur se të dielën PDdo të fitojë dhe do të sjell ndryshimin, për të cilin Shqipëria ka nevojë!
Ndryshe, reagimi i Partisë Demokratike shoqëruar dhe me foto-dëshmi duke identifikuar njerëzvit e Edi Rames dhe autorin e krimit të mbrëmshëm në Kavajë vjen pas një reagimi skandaloz të Kryeministrit Rama përmes rrjetit social Twitter:
Eshtë krejt e qartë që ngjarja e Kavajës s’ka asnjë moti politik. Autori s’ka asnjë lidhje me PS, përkundrazi, është militant i PD! PD s’ka faj për politizimin skandaloz!” shprehet sot Edi Rama përmes rrjetit social Twitter duke iu drejtuar kryetarit të Partisë Demokratike, Lulzim Basha:
“Lulëzim bëhu burrë, ndahu nga Iliri dhe Saliu, boll bëre kukullën e të paudhëve pa din e iman!”
Ndriçim Jonuzi dhe dy zyrtarët e Bashkisë Kavajë, Dorian Troplini dhe Markel Shtylla, autor të sulmit mbi Zyrat e PD Kavajës vazhdojnë të jenë në kërkim ndonëse Jonuzi gjenë mundësi dhe kohë të postoj dekalaratën “sqaruese” për përkatësinë partiake në rrjetin social.
Ndërkohë mësohet se Troplini dhe Shtylla kanë qenë të parët që kanë nisur sherrin. BW raporton se ata kanë hyrë në zyrën elektorale të PD dhe e kanë dhunuar me grushte aktivistin demokrat. Më pas, ka shkuar Jonuzaj dhe e ka qëlluar me pistoletë, duke e lënë të plagosur.
