Athinë, sot Mitsotakis takim me liderët e Ballkanit

Sot Kryeministri i Greqisë, Kyriakos Mitsotakis, shtron një darkë joformale në Athinë për liderët e Ballkanit Perëndimor dhe vendeve anëtare të BE-së, për të vazhduar nesër me takimet kokë më kokë ku është parashikuar edhe takimi me Kryeministrin e Kosovës, Albin Kurti.

Sipas Agjencisë greke të lajmeve “Amna” në këtë darkë joformale do të diskutohet mbi zgjerimin dhe të ardhmen evropiane të rajonit dhe rolin e Greqisë si shtyllë e stabilitetit për paqe dhe sigurinë energjetike në Ballkan dhe në Evropën Juglindore, ndërkohë Presidenti i Serbisë, Aleksandar Vuçiç e ka cilësuar si takim ku do të merren shumë të rëndësishme lidhur me çështjen e Kosovës.

Presidentja e Komisionit Evropian Ursula von der Leyen dhe Presidenti i Këshillit Evropian Charles Michel i janë përgjigjur pozitivisht ftesës së Mitsotakis. Pjesë e kësaj darke krahas kryeministrit Kurti do të jenë edhe presidenti i Malit të Zi, Jakov Milatoviç, ai serb Aleksandar Vuçiç, kryeministri i Maqedonisë së Veriut Dimitar Kovaçeski, kryetarja e Këshillit të Ministrave të Bosnje Hercegovinës Borjana Kristo, kryeministri i Bullgarisë Nikolai Denkov, ai i Kroacisë Andrej Plenkoviç dhe kryeministri i Rumanisë Ion Marsel Ciolacu.

Nesër, në orën 10:45 është parashikuar takimi dypalësh mes kryeministrit grek, Kyriakos Mitsotakis dhe kryeministrit Albin Kurti.

Kryeministri Edi Rama nuk është ftuar nga Kryeministri Kyriakos Mitsotakis në këtë takim, mëkëmbësi i Ramës, Bajram Begaj, ka refuzuar pjesëmarrje në këtë takim duke e zhvlerësuar si të parëndësishëm, por, pavarësisht këtij dramaciteti që është shitur për publikun me mungesën e kësaj ftese, në horizont është Marrëveshja e Detit!

Natyrisht, e disfavorshme për Shqipërinë!