Aty ku nuk vendos Edi Rama, Kroaci: 10 nxënës që përdorën celularë, iu anuluan provimet e Maturës Shtetërore

Ndryshe nga Shqipëria ku të gjithë fëmijët dhe familjarët e patronazhistëve i kanë zgjidhjet e provimeve të Maturës Shtetërore pa filluar testimi, sot në Kroaci, vetëm me përfundimin e djeshëm të provimeve të në etikë, edukim fetar dhe muzikë, iu anulua provimi 10 nxënësve që përdorën celularë.

Deri më tani, të gjitha procedurat e provimit janë kryer sipas planit në 384 shkolla të mesme dhe gjashtë qendra provimi, pavarësisht kompleksitetit të zbatimit të provimit shtetëror të maturës, tha për Agjencinë e lajmeve Hina, Drejtori i Këshillit Kombëtar për Arsimin e Lartë dhe Trajnimin Profesional, Vinko Filipoviç.

Edhe këtë vit, tha Filipoviç, u konstatua posedimi i telefonave celularë, prandaj iu desh të anulonin provimet për dhjetë maturantë.

Më shumë se 130 mijë provime u zjvilluan në 27 lëndë, nga të cilat 12 ishin të detyrueshme dhe 15 ishin me zgjedhje, ndërsa Matura Shtetërore mbikëqyret nga rreth 19 mijë mësues në detyrë.

“Nuk duhet të bëhen gabime në asnjë hap të zbatimit, gjë që nuk ka ndodhur deri më tani këtë vit. Vazhdon vlerësimi, i cili gjithashtu ka kërkesat e veta, në mënyrë që të gjitha provimet të vlerësohen jashtëzakonisht objektivisht sepse nuk duam të dëmtojmë asnjë maturant të vetëm,” ​​tha Drejtori i Këshillit Kombëtar për Arsimin e Lartë dhe Trajnimin Profesional, Vinko Filipoviç, duke shtuar se rezultatet paraprake do të shpallen më 9 korrik, afati i fundit për ankimime është 11 korriku dhe rezultatet përfundimtare do të publikohen më 16 korrik.