Aty ku sundon krimi/ Elbasan, policia dhunon deputetin Luçiano Boçi
Ish-deputeti i Partisë Demokratike, Luçiano Boçi është ndaluar nga policia, meqë ishte pjesë e qytetarëve që kishin bllokuar rrugën ku do të kalonte Kryeministri Edi Rama.
Dhe, ai dhe ata që nuk mendojnë si Edi Rama, nuk u larguan nga rruga por u arrestuan, dhe jo vetëm kaq.
Në këtë zonë, ku sundon krimi, ku vritet ai që shikon pa leje këta kriminel, policia tërheq zvarrë deputetin e zonës, Luçiano Boçi, sepse bossi ishte nisur në një takim në fshatin Linas të Cërrikut.
Por deputeti i Partisë Demokratike, Luçiano Boçi, i cili ka dorëzuar mandatin pikërisht për këtë llloj qeverisje, jo vetëm që është shoqëruar nga policia e Elbasanit së bashku me disa persona të tjerë por ai thotë se është kërcënuar edhe me jetë nga Ish-drejtori i Policisë së Fierit, Albert Nushi, aktualisht Nëndrejtor në Policinë e Elbasanit.
“Ishte një përplasje fizike me ish-drejtorin e Fierit, atë që paguante Fredi Alizotin, që ka dy akuza të rëndë në kurriz të tij dhe na e kanë sjellë për të pastruar në Elbasan. Ishim në bordurën e urës për protestën tonë. Protesta nuk kishte nisur.
Me atë brutalitetin e tij, na ka kërcënuar me jetë, më ka kërcënuar mua. Nuk është gjë e mirë që e them, por e vërteta është e vërtetë. Këto janë ato ish-drejtorët që e kap për veshi Fred Alizotin në përgjim dhe bën cubin me qytetarët me ne.
Këta janë ata maskarenjtë që tentojnë që të mbyllin gojën dhe të godasin qytetarët. Protesta nuk kishte nisur, por prisnin kalimin e ‘kortezhit’ të Ramës, se ashtu është ai kur vjen në zonat tona. Këta nuk kursejnë asgjë.
Policia merr urdhra politikë, paguhet nga krimi. Kjo ishte shprehje proteste sipas të gjitha standardeve. 13 Prilli po vjen, protesta do të jetë më e fortë, dhe përgjigjen do ta marrë Rama, Fred Nushi dhe të tjerët” deklaroi Ish-Deputeti Luçiano Boçi. Ndryshe, Albert Nushi, në kohën kur ishte Drejtor i Policisë së Fierit, u përfshi në përgjimet e Dosjes “Babale 2”, pasi Fredi Alizoti që pretendon se ka bërë zërin e vëllait të ish- ministrit të Brendshëm Fatmir Xhafaj, ka pasur komunikime telefonike me drejtorin, Albert Nushi.
