Audio-përgjimi/ Rama: Synon destabilizimin e vendit, unë e di rezultatin…

Kryeministri Edi Rama tha nga salla e Kuvendit se audio-përgjimi është një manipulim që synon destabilizimin e vendit.

Rama shprehu bindjen se hetimet do të nxjerrin edhe producentët, edhe regjizorët, edhe skenaristët, ndërsa shtoi se ata që shfaqen tani janë vetëm aktorët. Rama tha se ka marrë përgjigjen nga laboratorët lidhur me video-përgjimin dhe se ai e di rezultatin.

“Tashmë të presim se çfarë do të bëjë prokuroria, e cila duhet të çojë videon për ekspertizë në një kompani të njohur ndërkombëtarisht dhe t’I bëjë ekspertizën, nëse është apo jo autentike. Por unë po ju paralajmëroj se video është e sajuar, është qesharake dhe ai ditëziu i rrugëve të Vlorës thotë atë që i kërkojnë”, tha Rama.

“Po tallen me shqiptarët, mendojeni që nesër mos ju duket vetja të keqpërdorur. Ka ikur koha kur dilnit në protestë dhe përfundonit me brinjë të thyera apo që shkonit në morg, por po ju them se video-përgjimi nuk është autentik dhe po përdoret për të shkatërruar negociatat. Çdo shqiptar që nuk do hapjen e negociatave, le të shkojë në protest”, tha Rama.

Pjesë nga fjala e Ramës

Historia pas audio-përgjimit është akoma më e hatashme, janë aktorë luajnë rolet, kam shumë shpresë de do të dalin skenaristët, regjisorët dhe producentët,

Ai ditëziu i rrugëve të Vlorës është si figurantët e nerorelizmit italian, ca ti thuash thotë, por historia pas është shumë herë më serioze sesa duket, se si është t’ia lënë prokurorisë, të vijë përgjigjja e analizës shkencore, jo në studio private, në një laborator vend partnerë me Shqipërinë.

Ata që u zemëruan se vëllai i MB qenka trafikant droge, çfarë do mendoni për veten tuaj, kur kjo që unë them të dalë si unë po them, e kur të mësoni se bëhet fjalë për një tallje të madhe me të gjithë ju, që synon destabilizmin e vendit jo një skup mediatik, si do ju duket vetja pasi të dilni në protestë kur të mësoni se keni dalë në protestë si shkohet në kinema për të parë një film e për të mbushur sallën e kinemasë, si do ju duket vetja

Koha kur shkoje në protestë e nuk ktheheshe në shtëpi, por në morgun e Tiranës ka vdekur.

Kur ktheheshe ilegal me brinje të thyera ka vdekur. Në protestë mund te dale kush të dojë, nuk e prek kush me dore, sigurisht duke ruajtur ato vijat, por pyetja nuk është protesta, por tallja më e madhe.

Mendojeni thjesht që të mos ju duket vetja të keqpërdorur me paralajmërim se ky esetë paralajmërimi që kjo është tallje.

Çdo shqiptar që nuk di negociatat duhet të iki në protestë të bejë çmos, të shkoje e të mos lëvizë sa t’ia arrije qëllimit, negociata të mos hapen.

Kush i do negociatat duhet ta dije se me apo pa dashje shkon aty për të kontribuar për të kundërtën këtë di të them.