Australi, hyn ne fuqi ndalimi i përshëndetjes naziste dhe simbolet e grupeve terroriste
Në Australi ka hyrë në fuqi Ligji i cili ndalon përshëndetjen naziste dhe simbolet nazistei si dhe shfaqja dhe shitja e simboleve të grupeve terroriste.
“Tani është e kundërligjshme përshëndetja naziste në publik, si dhe shitja e simboleve naziste,” tha Avokati i Shtetit, Mark Dreyfuss.
“Me ligjin e ri gjithashtu konsiderohet vepër penale edhe glorifikimi dhe festimi i akteve terroriste,” tha Mark Dreyfuss duke shtuar se ligjslacioni australian ka dhënë mesazh të qartë se në Australi nuk ka vend për ata që glorifikojnë holokaustin dhe aktet terroriste.
Me këtë Ligj, Qeveria e Australisë ka reaguar ndaj rritjes gjithnjë e më të madhe të incidenteve të antisemitizmit pas shpërthimit të konfliktit në mes të Izraelit dhe Hamasit.
“Ky është ligji i parë i këtij lloji i cili garanton që askujt në Australi nuk do ti lejohet që të glorifikoj ose përfitoj nga veprat dhe simbolet e nazistëve dhe ideologjia e tyre e keqe,” tha Dreyfuss.
Ligji i ri ndalon edhe shfaqjen publike dhe tregtimin e simboleve që kanë të bëjnë me grupet e ndaluara terroriste siç është ISIS.
Ndryshe, në muajin tetor, tre persona janë arrestuar në Sydney pasi u shfaqën me përshëndetje naziste para Muzet hebre. Më 6 dhjetor, Parlamenti i Australisë e shpalli ligj amendamentin e lidhur me antiterrorizmin (Ndalohen simbolet e urrejtjes dhe masat tjera) pas një votimi unanim.
Ky është një shembull i mirë për Shqipërinë, për vendin ku glorifikohet dhe promovohet diktatura dhe terrorizmi komunist më shumë se në ditët e para të saj, kur u instalua nga komunistët serbë; Ndërsa figura e diktatorit Enver Hoxha në filxhan kafeje ose çaji, bluza dhe buste në miniaturë sot konisderohet dhe atraksion turistik shqiptar, pjesë kjo e promovimit të turizmit të Edi Ramës nga institucionet e tij turistike dhe kulturore të degraduara.
