Austri, përfundojnë në spital, konsumuan një ilaç falso kundër diabetit

Disa qytetarë në Austri kanë përfunduar në spital pasi kanë konsumuar, siç dyshohet, versionin e falsifikuar të ilaçit kundër diabetit “Ozempic”, i prodhuesit danez “Novo Nordiska”, ka bërë të ditur sot Agjencia austriake për siguri shëndetësore.

Pacientët kishin hipoglikemi dhe sulme, që janë pasoja serioze që tregojnë se produkti kishte insulin në vend të përbërësit aktiv Ozempic semaglutid, thekson Agjencia BASG ndërsa vazhdon hetimi për falsifikatorët.

Hetuesit austriak kanë tërhequr vërejtjen se mund të ketë ende në treg ilaç të falsifikuar ndërsa Agjencia evropiane e ilaçeve, EMA, javën e kaluar ka ngritur alarmin se ka injeksione falso me emërtimin Ozempic.

Prodhuesi i Danimarkës, Novo Nordisk, ka tërhequr vërejtjen se është rritur oferta e Ozempicut falso në internet si dhe ilaçi për rënie në peshë Wegovy.

Kompania e cila po bënë përpjekje të rris prodhimin për të kapur hapin e madh të kërkesës, nuk e ka komentuar lajmin nga Austria. 

Ndryshe, Agjencia nuk e ka publikuar numrin e sakt të prekurve nga ilaçi falso Ozempic dhe sa do të zgjasin pasojat nga përdorimi i tij.

Organizata e cila drejton sistemin evropian për kontrollin e ilaçeve, që zbaton mbikqyrjen digjitale të ilaçeve që japin farmacistët, ka konfirmuar konkluzionin e EMA-s se ilaçet e falsifikuara nuk mund të blihen në farmacitë me pakicë.

EMA dhe autoritetet në Gjermani dhe Britani, duke përfshirë prokurorët në jugperëndim të Gjermanisë, po hetojnë rastin e injeksioneve të falsifikuara me shenjat gjermane në paketimet origjinale Ozempic të cilat në Gjermani i ka shitur tregtari me shumicë nga Austria, e që më pas i janë shitur dy tregtarëve me shumicë në Britani.