Austria e shqetësuar për çështjen Xhafaj/ Të trajtohet në mënyrë të besueshme…

Austria është e shqetësuar për çështjen Xhafaj, e cila duhet të trajtohet me rëndësinë e nevojshme.

Kështu u shprehën gjatë një conference për mediat në selinë e PD-së, përfaqësuesit e Partisë Popullore Austriake, Reinhold Lopatka dhe Michael Hammer, pas takimit që zhvilluan me kreun demokrat, Lulzim Basha.

“Jemi të shqetësuar për rastin e ministrit të Brendshëm zotit Xhafaj. Rasti i ministrit Xhafaj duhet të trajtohet në mënyrë të besueshme që të mbështesë rrugëtimin e vendit drejt BE-së”, tha ai.

Deputetët austriakë theksuan se janë pro hapjes së negociatave të Shqipërisë me BE dhe shprehën kënaqësineë që të dy palët në vend janë në mbështetje të këtij prioriteti të madh.

‘Ne e kemi mbështetur gjithmonë Shqipërinë dhe jemi në rrugën e marrjes së presidencës së KE dhe jemi por hapjes së negociatave për Shqipërinë në muajin qershor.

Ky është një qëndrim i ndarë nga të gjitha partitë ën parlamentit austriak dhe në e mbështesim këtë qëndrim të qeverisë dhe kancelarit Kurz.

Ne sot kishim mundësinë të shkëmbenim mendime dhe me kënaqësi vërejtën se negociatat mbështeste nga të dyja anët.

Kryetari Basha e konfirmoi këtë mbështetje të opozitës për hapjen e negociatave siç bëri edhe nënkryetarja e Parlamentit Vasilika Hysi.

Por gjithashtu dua të shtoj se ne jemi të shqetësuar përsa i përket rastit të Ministrit të Brendshëm Xhafaj. Në rastin Xhafaj duhet trajtuar në mënyrë të besueshme që të mbështetet rrugëtimi i Shqipërisë drejt Bashkimit Europian’, tha në deklaratën e tij, Reinhold Lopatka.