Autobusi del nga rruga, 41 të plagosur, 6 në gjendje të rëndë

Një fatkeqësi e rëndë me një autobus ndodhi në hyrje të qytetit të Plevles në Mal të Zi, ku mbetën të plagosur 41 persona dy prej të cilëve në gjendje të rëndë, raporton televizioni publik RTCG duke raportuar nga Spitali i qytetit. Ndërkohë 1 i plagosur rëndë është dërguar mbrëmë në Podgoricë ndërsa tre të tjerë në Serbi.

Pas aksidentit të rëndë, në spitalin e qytetit vazhdojnë të jenë 26 udhëtarë të autobusit ndërsa Drejtoria e Policisë ka sqaruar se tre të aksidentuar  rëndë janë transportuar drejtë Serbisë, dhe shoferi i makinës me të cilën u përplas autobusi është transportuar në Podgoricë dhe jeta e tij është në rrezik.

Ndryshe, autobusi i kompanisë “Glušica” i linjës Nikshiç-Vrbas me 37 udhëtarë u përplas mbrëmë me një makinë me targa të Plevlës.

Para spitalit të qytetit janë mbledhur një numër i madh i familjarëve të personave të aksidentuar ndërsa Kryetari i komunës Plevle, Igor Golluboviç, pasi vizitoi të plagosurit tha se të gjithë familjarët do të vendosen në Hotel “Pljevlja”.