Autobusi me pasagjerë i linjës Sarandë-Tiranë, sot ka marrë flakë në ecje.
Policia e Delvinës bën me dije se autobusi me udhëtarë ka marrë flakë rreth orës 11:40 pranë tunelit të Skërficës.
Dyshohet se shkak i zjarrit ka qenë një defekt në motorin e autobusit. Për fat të mirë nga zjarri nuk ka persona të lënduar, përpos dëmeve materiale.
Njoftimi policisë
Delvinë/Informacion paraprak
Sot, rreth orës 11:40, pranë tunelit të Skërficës, dyshohet se, si pasojë e një defekti në motor, ka marrë flakë në ecje një autobus me udhëtarë, i linjës Sarandë-Tiranë, me drejtues shtetasin G. A.
Si pasojë, janë shkaktuar vetëm dëme materiale dhe nuk ka persona të dëmtuar.
Grupi hetimor ndodhet në vendngjarje dhe po punon për zbardhjen e plotë të rrethanave të rastit.