Autorit të masakrës elektorale, PD: Edi Rama vazhdon gënjeshtrat, manipulimet dhe diversionet…
Me qëllim që të largojë vëmendjen, Edi Rama si autor i masakrës elektorale vazhdon gënjeshtrat, manipulimet dhe diversionet, tha Partia Demokratike pas deklaratës së Kryeministrit Edi Rama se për emrin e Presidentit të ri do të konsultohet me PD ndërsa përsëriti gatishmërinë e Partisë Socialiste për bashkëqeverisje.
“Edi Rama është autori i masakrës elektorale dhe tjetërsimit të vullnetit të shqiptarëve për ndryshim. Me qëllim që të largojë vëmendjen ai vazhdon gënjeshtrat, manipulimet dhe diversionet,” thekson Partia Demokratike në reagimin e saj duke shtuar:
“Vjedhja e zgjedhjeve nga Rama-Doshi-Rakipi e çuan vendin tonë drejt një masakre masive elektorale, ku viktimat janë qytetarët shqiptarë dhe e ardhmja e tyre. Detyra jonë ndaj shqiptarëve është të qëndrojmë të vendosur dhe të luftojmë fort për kthimin e demokracisë në vend, shprehet PD përmes një deklaratë duke i bërë të qartë Edi Ramës dhe batonëve të tij:
“Asnjë diversion nuk do të na ndalë në këtë betejë, duke filluar me shpalosjen e fakteve, provave dhe të dhënave që dëshmojnë pëmasën e plotë të masakrës zgjedhore nga regjimi Rama-Doshi-Rakipi.”
Ndryshe, pasi bashkëqeverisja me Partinë Demokratike, ngeli vetëm një diversion i Kryeministrit Edi Rama në gojën e batonëve, ai sot para deputetëve aktualë dhe të zgjedhur të Partisë Socialiste, erdhi me diversionin e radhës duke e bërë fakt të kryer shkarkimin e Ilir Metës, shtoi se për emrin e Presidentit të ri do të konsultohet me PD.
