Avdullah Hoti anulon takimin në Shtëpinë e Bardhë!
Kryeministri Avdullah Hoti ka bërë të ditur mëngjesin e sotëm se nuk do të marrë pjesë në takimin e datës 27 qershor në Shtëpinë e Bardhë. Për këtë vendim, tha Hoti, ka informuar dhe Përfaqësuesin e Presidentit të SHBA, Donald Trump. për dialogun Kosovë-Serbi, Richard Grenell.
“Për shkak të zhvillimeve të reja në Prishtinë si rezultat i akuzave të dorëzuara nga Zyra e Prokurorit të Specializuar, më duhet të kthehem në Prishtinë për tu marrë me situatën. E kam njoftuar Ambasadorin Grenell se nuk mund të marrë pjesë në takimin e datës 27 qershor në Shtëpinë e Bardhë,” thekson Hoti përmes rrjetit social Facebook ndonëse mbrëmë Përfaqësuesi i Presidentit të SHBA, Donald Trump. për dialogun Kosovë-Serbi, Richard Grenell, paralajmëroi takimin e Kryeministrit Hoti dhe Presidentit Vuçiç më 27 qershor në Shtëpinë e Bardhë edhe pas anulimit të pjesëmarrjes nga ana e Presidentit të Kosovës Hashim Thaçi.
