Avdullah Hoti i kërkon dorëheqjen Drejtorit të AKI-së, Kreshnik Gashi
Kryeministri i Kosovës, Avdullah Hoti i ka kërkuar Kreshnik Gashit, që të lirojë detyrën e Drejtorit të Agjencisë Kosovare për Inteligjencë, AKI.
Zyra e Kryeministrit Hoti, raporton RFE, nuk ka ofruar më shumë hollësi rreth kësaj kërkese.
Më 25 nëntor të vitit të kaluar, Kreshnik Gashi ishte emëruar në këtë pozitë nga Ramush Haradinaj, i cili atëbotë mbante pozitën e kryeministrit të Kosovës.
Ndryshe, para marrjes së detyrës së shefit të AKI-së, Kreshnik Gashi ka ishte Kryetar i Bordit të Autoritetit Rregullativ të Komunikimeve Elektronike dhe Postare të Kosovës, ARKEP.
