“Avioni privat”, Basha: Edi Rama, 52 mln euro për shpenzime luksi!

Kryetari i Partisë Demokratike, Lulzim Basha, duke denoncuar shpenzimet për luksin qeveritar të Kryeministrit Edi Rama thekson se aty bëjnë pjesë edhe milionat për fluturimet me avion privat ku në vit kapin shumën prej 700 mijë dollarëve.

“Në 52 milionë eurot që shpenzohen për luksin qeveritar, bëjnë pjesë edhe milionat që Rama shpërdoron për fluturimet e tij me avionin privat, me flatrat korruptive të një kompanie ajrore të ekspozuar edhe nga Transparency International,” thekson Lulzim Basha në reagimin e tij duke sjellë shifrat reale të abuzimit ndërsa përfundon:

“Ky shpërdorim i taksave të qytetarëve më të varfër të Europës, tregon pse vettingu në politikë është i domosdoshëm për të pasur politikanë që punojnë për familjet shqiptare, jo për veten, krimin e organizuar dhe oligarkët.”