Avioni ushtarak rus në hapsirën ajrore të Koresë Jugore. Largohet pas…

Avionët e Koresë Jugore kanë nisur dy të shtëna paralajmëruese drejtë një avioni ushtarak rus, pasi ka hyrë në hapsirën ajrore koreanojugore, raporton Agjencia e lajmeve, Reuters, duke cituar ministrinë për Mbrojtje Kombëtare.

Përveç kësaj, kjo ministri thekson se edhe një avion ushtarak kinez ka hyrë në hapsirën ajrore të Koresë Jugore.

Duke cituar zyrtarë nga Shefat e Shtabit të Përbashkët, Agjencia e lajmeve, Yonhap, tha se hyrja e avionëve luftarakë në hapsirën ajrore koreanojugore përbën shkelje,.

Aeroplanët më pas është thënë të jenë larguar së bashku.

Një zyrtar i ministrisë koreanojugore, i ka thënë agjencisë së lajmeve Reuters, se kjo është hera e parë që një aeroplan ushtarak rus shkel zonën ajrore jugkoreane.

Ende nuk ka pasur ndonjë koment nga zyrtarët rusë apo ata kinezë për këtë çështje.

Ndërkohë qeveria koreanojugore tha se ka nisur ankesa zyrtare te të dyja shtetet.