“Avokati 13 euro për minutë”/ Reagimi, Rama: Politika është shah…

Pas padisë që Kryeministri ngriti kundër gazetarit gjerman Peter Tiede, i cili publikoi përgjimet në gazetën “Bild” që dëshmojnë krimin elektoral të rilindjes së Edi Ramës, dhe Kryetari i Partisë Demokratike, Lulzim Basha, deklaroi se Rama kishte angazhuar një nga avokatët më të shtrenjtë në Europë që faturon të paktën 13 euro për minutë, reagon Edi Rama përmes rrjetit social Twitter duke theksuar se politika është shah, dhe, premton se faturat do të publikohen:

“Se kuptove kurrë o njish që është shah politika, jo kukamçefthi as topa luftash, po mos u mërzit! Gjyqi do bëhet në Gjermani, faturat do publikohen në Shqipëri dhe e vërteta për tërë atë çorbë të prishur që gatuat, për ta helmuar këtë vend e miqtë e tij, do dalë e plotë. Gjermanisht.”

Ndonëse Twitti me fjalët e kufizuara për një cicërimë ndalon njerëzit normal, kjo nuk vlenë për Edi Ramën e zemëruar i cili me cicërimën e radhës tregon se është në grahmat e fundit.

Me fjalorin e Taulant Ballës jep përgjigje duke rrëfyer histori të Rrugës së Kombit ndonëse e ka pranuar se është një vepër madhore, e pastaj me rus e lobime të çuditshme sa vetëm koka e Taos pjellë:

“Artist, ti nuk zhgënjen kurrë, je njish! Je i pandehur për qindramijëra euro ruse a dreqi e di ç’janë, të cilat po dreqi e di sa versione do sajosh deri në gjyq për t’i justifikuar dhe del e bilbilon për krimin që do paguaka avokatin gjerman për të luftuar lirinë e medias në Gjermani. “