Avokati i dhunuar nga barbarët, Sokol Mëngjesi, zgjohet nga koma! Ja si është gjendja
Derisa tre nga pesë barbarët që goditën për vdekje në qendër të Tiranës, avokatin e Berishës, Sokol Mëngjesi, vazhdojnë të jenë të lirë edhe pse po kalojnë tre javë nga ngjarja makabre, në ditën e dhjetë të mjekimit në një spital të Athinës, vjen një lajm shpresëdhënës, avokat Mëngjesi u zgjua nga koma.
Mjekët kanë ulur dozën e ilaçeve dhe e kanë nxjerrë nga koma. Sipas burimeve ai ka reaguar pozitivisht ndërsa mjekët në spitalin ku ai ndodhet janë optimistë për përmirësimin e gjendjes së tij.
Ndryshe, avokati Sokol Mëngjesi u dhunua barbarisht mëngjesin e 29 majit, vetëm pak minuta pasi kishte lënë djalin e vogël në kopsht, në zonën e Ish-Bllokut në Tiranë. Njëri prej autorëve të sulmit barbar, Dorian Alia, u vetëdorëzua duke pranuar se porositës i sulmit është Dritan Nano, dhe se qëllimi i dhunës ishte paralajmërimi që avokati 45 Mëngjesi të tërhiqej nga padia kundër Nanos për të marrë çka i takonte në pronën e fituar me gjyq te kullat e Liqenit. Por, Dritan Nano e ka mohuar të jetë porositës i kësaj dhune!
Ndërkohë tre autorët e tjerë të identifikuar si Drivald Alia, Elton Kasaj dhe Romario Tabaku, dhe me masë arresti me burg të caktuar nga Gjykata, si çdo kriminel i fortë në këtë shtet, vazhdojnë të jenë të lirë!
Avokat Sokol Mëngjesi u mjekua në Spitalin e Traumës në Tiranë ku mjekët bënë të pamundurën por gjendja e tij nuk po përmiërsohej, dhe, me 3 Qershor, me kërkesën e familjarëve dhe miratimin e mjekëve, ai u dërgua për trajtim më të specializuar në një spital në Athinë.
