Avokati i Popullit/ PS i mbyll derën Taulantit: S’mund të jetë figurë e spikatur e PD në vitet e fundit!
Si figura më e spikatur e PD-së së vulës nga shtatori i vitit 2021 deri më sot, Kryetari i Grupit Parlamentar të PS, Taulant Balla, i mbylli derën vetes për të kandiduar për postin e Avokatit të Popullit pasi shkel njërin prej kushteve kryesor të Partisë Socialiste.
“Krahu i majtë i kësaj salle nuk i ka 84 vota për të zgjedhur Avokatin e Popullit. Ne duam që avokatin e Popullit ta propozojë opozita. Asnjë deputet i PS nuk do të përfshihet në mbështetjen me firma të një kandidati, siç e përcakton ligji dhe rregullorja. Duam pa humbur kohë, që pasi Komisioni, ka përmbyllur procesin e verifikimit të përputhshmërisë me ligjin e kandidatëve që kanë shfaqur interesin, besoj se zoti Bardhi, Doda e zoti Mediu, kanë marrë shkresën, ku kemi 15 kandidatë, Ata plotësojnë kriteret ligjore. Brenda asaj liste mendoj se kemi mundësitë që të gjejmë njërin prej tyre për mandarin pasardhës për Avokatin e Popullit,” tha Taulant Balla duke theksuar dy kushtet përjashtuese të kandidatit për Avokat të Popullit:
“Avokati i Popullit nuk mund të jetë avokat i PD-së ose figurë e spikatur e kësaj partie në vitet e fundit. Një barazi e figurës së avokatit do të ishte kusht. I propozoj kryetarit të grupit parlamentar të PD-së, Bardhi që të ulemi gjatë javës së ardhshme bashkë me drejtuesit e komisionit të Ligjeve, me zonjën Bushak e Çupi, në mënyrë që të bëjmë një verifikim të kandidaturave që kemi përballë, para nesh. Të fillojmë të shkojmë drejt një grupi me 3-4 kandidatura, që marrim më shumë konsensus. Më pas secili prej nesh të kërkojë mbështetje. Mendoj se ky është një model që duhet konsoliduar.”
Ndryshe, në aventurën e Lulzim Bashës për të shkatërruar Partinë Demokratike, nga Nick Muzin deri tek ashensori, Taulant Balla është figura më e spikatur e PD-së së vulës, deri sa pjesa tjetër që i qëndronte në krah Kryetarit Basha, sipas Gjykatës, u shpartalluan gjatë spikatjes së Taos në mënyrë të çuditshme sa edhe vetë Edi Rama nuk po e kupton!
