Baba dhuron edhe 30 min për lëvizje, Manastirliu: Ja bizneset që hapen nesër…

Nga nesër 27 Prill, Baba ka vendos të zgjas orarin e lëvizjes për 30, kështu që shqiptarët tashmë kanë dispozicion 120 minuta për të kryer nevojat e tyre ditore. Lajmi është bërë i ditur nga ministrja e Shëndetësisë, Ogerta Manastirliu ndërsa ka sqaruar dhe cilat janë ato biznese që nga nesër mund të rifillojnë aktvitetin e tyre me orar 05:00-17:30.

“Nisur nga zhvillimet e javës së fundit, nga vlerësimi dhe analiza e të dhënave dhe situatën e epidemisë në vend, Komiteti Teknik i Ekspertëve ka hartuar strategjinë e rihapjes graduale dhe të kujdesshme për popullatën dhe shërbimet esenciale. Kjo strategji parashikon katër faza per lehtësimin gradual te masave, qe lidhen ne mënyre te ngushte me evoluimin e infeksionit Covid19 dhe shkallën e përhapjes se tij.”

Do të tregohemi në çdo fazë shume të kujdesshëm, tha Manastirliu, duke vlerësuar kurbën epidemiologjike, shpërndarjen e vatrave te infeksionit, transmetueshmerine e infeksionit si dhe perballimin nga strukturat spitalore të rasteve me simptoma të COVID-19.

“Duke filluar nga dita e hënë, datë 27 Prill, do të zgjerohet fasha e lëvizjes për qytetarë, nga 90 minuta në 2 orë, duke ruajtuar parametrat e sigurisë, të distancimit social dhe duke zgjruar mundësinë e kryerjes së shërbimeve thelbësore në një hapësirë kohore më të gjërë.”

Ashtu siç paralajmëroi edhe Kryeministri, duke nisur nga 27 prilli do të hapen disa biznese. Sot ministrja e Shëndetësisë, Ogerta Manastirliu bëri të ditur llojet e bizneseve që do të hapen.

Ministrja tha se këto biznese lejohen të ushtrojnë veprimtarinë e tyre nga ora 05:00-17:30, vetëm duke plotësuar dhe zbatuar protokolleve të miratuara, duke siguruar kushtet e detyrueshme higjieno sanitare dhe respektimin e distancimit fizik, për të garantuar sigurinë e qytetarëve dhe punonjësve.

“Ashtu sic kemi lajmeruar, te henen ne date 27 prill do te lejohen te ushtrojne aktivitet këto biznese: Dyqanet e veshjeve, të tekstileve, të këpucëve dhe artikujve prej lëkure, dyqanet që tregojnë mobilje, pajisje të ndriçimit dhe artikujve shtëpiakë,dyqanet e luleve, bimëve, të kafshëve të shtëpisë dhe ushqimit të tyre në dyqane të specializuara, Shërbimi Taxi, dyqanet e pajisjeve elektronike, lodrave për fëmijë, pajisjet sportive, pajisjet e telekomunikacionit, tha Ogerta Mansatirliu duke shtuar se lista e plotë e bizneseve që hapen nga dita e hene, gjendet e plotë në portalin e-albania.

Këto biznese lejohen të ushtrojnë veprimtarinë e tyre nga ora 05:00-17:30, vetëm duke plotësuar dhe zbatuar protokollet e miratuara, sqaroi ministrja e Shëndetësisë duke shtuar:

“Duke siguruar kushtet e detyrueshme higjieno sanitare dhe respektimin e distancimit fizik, për të garantuar sigurinë e qytetarëve dhe punonjësve. Lista e protokolleve te sigurise te pergjithshme dhe specifike sipas klasifikimit te riskut per bizneset e siperpermendura gjendet ne portalin e-albania dhe eshte e detyrueshme për çdo biznes të hapur.”

Lehtësmi i masave në zonat e gjelbërta, ja rregulli për mjetet private

Ne kuader te lehtesimit gradual dhe te kujdesshem te masave, bazuar ne vendimin e komitetit te eksperteve, nga dita e hene date 27 prill, do te filloje lehtesimet e posatcme per levizjen ne “zonat e gjelberta”.

Jane klasifikuar si zona të gjelbërta ato qarqe apo bashki të cilat rezultojne deri sot, me risk të ulët të transmetimit të infeksionit të shkaktuar nga COVID19.

Zonat si me poshtë:

Qarku Dibër

Qarku Gjirokastër

Zona e përbashkët e bashkive Sarandë, Konispol, Himarë, Delvinë dhe Finiq;

Zona e përbashkët e bashkive Prrenjas, Pogradec dhe Librazhd
Si dhe Bashkia Divjakë.

Në zonat e gjelbërta, lëvizja e pensionistëve do të jetë nga 6:00- 08:30 të mëngjesit. Qytetarët e tjerë do të lëvizin nga ora 09:30 deri 17:30, të shoqëruar jo më shumë se me një person. Përjashtim do të bëjnë qytetarët që kanë autorizim pune, të cilët nuk kufizohen nga oraret e sipërpërmendura.

Në zonat e gjelbërta parqet do të vazhdojnë të jenë të mbyllura edhe për 14 ditë dhe nuk do të lejohet grumbullimi dhe qëndrimi i më shumë se dy personave bashkë ne hapesirat publike.

Sa i takon mjeteve private të transportit ato do të lejohen të qarkullojnë pa autorizim vetëm brenda Qarkut ose Bashkive përkatëse nga ora 09:30 deri 17:30, vetëm me një pasagjer. Eshtë e rëndësishme të theksohet se nuk do të lejohet lëvizja me mjet privat ose si pasagjer i pensionistëve, përvec rasteve me autorizim për arsye shëndetësore.

Përtej këtij orari mund të qarkullojnë vetëm mjetet që kanë autorizimin përkatës nga e-albania. Pavarësisht se ka zona të gjelbërta, normaliteti i ri i bashkëjetesës me virusin, do vijojë të kërkoje lëvizje të kufizuara, vetëm për arsye thelbësore, duke ruajtur ne cdo rast distancimin fizik dhe respektimin me rigorozitet të masave të sigurisë në punë dhe ne komunitet.

Situata është dinamike dhe si e tillë do të vlerësohet hap pas hapi. Me kujdes dhe përgjegjësi maksimale, për mbrojtjen së pari dhe mbi të gjitha, të jetës dhe shëndetit të qytetarëve!