Baba vjen me një tjetër “dhuratë”: Nesër mund të lëvizin…

Ndonëse kërcënoi me gjoba ata që nuk respektojnë ligjin e sapomiratuar përplotë me gjoba për të luftuar COVID-19, sot siç duket Kryeministri Edi Rama u zgjua me horoskop të mirë, meqë me ligjin nuk ka të bëjë, dhe vendosi të lejojë nesër që të lëvizin në këmbë deri në orën 11:00, vetëm nënat me fëmijë deri në 10 vjeç.

Dhe, përmes rrjetin social Facebook, punë kjo e vetme që din ta bëjë, informon për masën e re dhe e shoqëron me vendimin për disa shtesa të Urdhrit të djeshëm, sigluar nga noterja dezhurne me detyrë Ministre e Shëndetësisë, Ogerta Manastirliu.

Dhe, kujdes thotë Baba:

“Kujdes! Nënat duhet të mos shoqërohen me shoqe…”

Lum ky popull që ka Baba! Popujt në shtetet normale vazhdojnë të dëgjojnë ekspertët dhe mjekët e Task Forcave ose Shtabeve të Krizës që janë krijuar nga qeveritë e tyre, dhe nuk varen as nga humori dhe as nga horoskopi i Kryeministrit.

Ja statusi i plotë:

Nesër në qendrat urbane do të dalin në këmbë deri në orën 11:00, vetëm nënat me fëmijë deri në 10 vjeç

Kujdes! Nënat duhet të mos shoqërohen me shoqe dhe fëmijët duhet të mbahen larg çdo kontakti me fëmijë të tjerë

Të gjithë ne baballarët, fëmijët mbi 10 vjeç dhe të moshuarit në shtëpi deri të hënën në orën 05.00.