“Babalja”, gjykata urdhëron shoqërimin me forcë të Gazment Bardhit

Gjykata e Tiranës ka urdhëruar sot që Sekretari i Përgjithshëm i PD, Gazment Bardhi të sillet forcërisht në gjyqin ku po shqyrtohet dosja “Babale”. E njëjta masë është kërkuar dhe nga Prokuroria, pasi sipas tyre Bardhi është njoftuar dy herë për të dëshmuar në këtë gjyq, por nuk është paraqitet.

Gjithashtu, prokurorët e çështjes kërkuan shoqërimin me forcë edhe të prokurorit të Krimeve të Rënda, Besim Hajdarmataj. Për këtë, Gjykata vendosi ta njoftojë sërish seancën tjetër, si dhe ju kërkua drejtuesit të Prokurorisë së Krimeve të Rënda të vërë në dispozicion informacione për angazhimin e Hajdarmatajt gjatë ditës së sotme, rreth orës 12:00. Kjo pasi, prokurori paraqiti në seancën e sotme një shkresë, ku thoshte se nuk mund të paraqitej për të dëshmuar në seancën e sotme pasi ishte i angazhuar në një gjyq në Gjykatën e Krimeve të Rënda.

Sot, pritej te dëshmonte edhe biznesmeni Ylli Rakipi, i cili gjithashtu nuk është paraqitur për shkak se ndodhej jashtë shtetit. Gjykata vendosi ta lajmërojë sërish Rakipin, duke e venë në dijeni për seancën e radhës.

Ndryshe, Gazment Bardhi, Besim Hajdarmataj dhe Ylli Rakipi pritej të dëshmonin sot në Gjykatën e Tiranës, për të ashtuajturën dosja “Babale”. I pranishëm në seancë ishte i pandehuri Fredi Alizoti.

Dosja “Babale” bëri bujë të madhe politike vitin e kaluar, ndërsa të pandehur kanë përfunduar edhe ish deputeti Ervin Salianji, gazetari Jetmir Olldashi dhe Albert Veliu, i ashtuquajtur me nofkën Babale