Bahtiri: Mitrovica do të bashkohet, s’garantoj për kufijtë

Kryetari i komunës Mitrovicë Jug, Agim Bahtiri, është i vendosur se Mitrovica do të bashkohet dhe për këtë tha nuk do të lë gurë pa lëvizur.

Në emisioni “Imazh” të RTK, ai tha se po e pret momentin që ti shoh në sy deputetet e Parlamentit të Kosovës, kur të votojnë për bashkimin e qytetit.

“Do të shofim deputetet shqiptar nëse dikush nga ta që ka gjak shqiptari do të votojë kundër, dhe do të ishte e turpshme nesë ndodhë kjo”, tha Agim Bahtiri i cili nuk garantoi nëse Mitrovica e bashkuar do të jetë në kufijtë aktual, duke aluduar në bisedimet Kosovë-Serbi.

Sa i përket dialogut, ai tha se kur “babai” dhe “nëna”, duke iu referuar SHBA-ve, thonë se duhet të bëhet kështu, atëherë ashtu duhet të ndodhë.

“Nëse Amerika thotë që që duhet ta rrëzojë shtëpinë, unë do ta bëjë atë,” tha Bahtiri.

Sipas tij ai që nuk e degjon Amerikën është djalë i lazdruar.