Ballkan, shtohen të prekurit dhe të vdekurit nga koronavirusi
Gjatë 24 orëve të fundit numri i të prekurve nga koronavirusi në shtetet e Ballkanit ka pësuar rritje dhe për fat të keq ka arritur të marrë edhe jetë njerëzish.
Kështu, sot kur ka kaluar një muaj që kur u shënua rastibinparë me COVID-19, në Kroaci kemi edhe 60 të infektuar gjatë 24 orëve të fundit duke e çuar në 442 numrin e të prekurve me koronavirus, u tha nga Shtabi Kombëtar ku u konfirmua edhe një i vdekur ndërsa u raportuan 22 të shëruar.
“Po të më pyesnit më 25 shkurt, do të isha më optimist me parashikimin. Ndërmorëm disa masa dhe ishim të parët në Evropë por sot jam i zhgënjyer me sjelljen e kroatëve që gjithandej shkelin masat që Shtabi i përcakton,” tha Drejtorini Institutit të Shëndetit Publik, Krunoslav Capak, duke paralajmëruar masa të reja:
“Po, është e mundshme të ndalohet lëvizjes e më shumë se dy viteve dhe që të jenë më shumë se dy persona në një dyqan. Mund të ashpërsojmë edhe kontrollin në bashkëpunim me policinë. Mendoj se ky skenar po e pret Kroacinë, duhet ta rrisim mbikëqyrjen,” tha Capak.
Ndërsa në Serbi janë zbuluar edhe 81 persona duke e çuar në 384 numrin e të prekurve, u tha në përditësimin e të dhënave nga Shtabi i Krizës duke shtuar se ky është numri më i madh i regjistruar brenda 24 orëve ndërsa 1 ka ndërruar jetë duke shënuar viktimën e 4 nga COVID-19.
Rreth orës 15:00 sot ka mbërri edhe avioni i dytë me ilaçe dhe pajisje mjekësore ndërsa ekspertët kinez që po ndihmojnë ata serbë sot u shprehën se masat e marra nga autoritetet e Serbisë në parandalimin e përhapjes së koronavirusit, janë efikase.
Numri i të prekurve është shtuar për 1 duke e çuar kështu numrin e të infektuarëve në Mal të Zi me koronavirus në 53, ka bërë tē ditur Instituti i Shëndetit Publik me rastin e përditësimit të dhënave ndërsa saktësoi se për 24 orë janë testuar 13 persona të dyshuar me COVID-19.
“Nën mbikqyrjen shëndetësoro-sanitare në Mal të Zi janë 6.356 persona ndërsa në Qendrën Klinike janë shtruar 11 të prekur me koronavirus dhe vetē 2 prej tyre janë në terapi me oksigjen,” thekson Instituti i Shëndetit Publik duke e bërë të ditur se janë testuar 140 të dyshuar me koronavirus dhe rezultatet pritet të dalin nesër.
Gjatë 24 orëve të kaluara janë regjistruar edhe 29 raste të reja, duke e çuar në 177 numrin e të prekurve në Maqedoni të Veriut ndërkohë ka arritur të marrë edhe jetën e tretë të prekurve me COVID-19. Bëhet fjalë për Alije Mustafa, 66 vjeçe nga fshati Ballancë i Zhupës, e cila ishte pacientja e parë e cila së bashku me bashkëshortin e saj ishte prekur me COVID-19 në Itali, ndërsa me virusin ishin identifikuar pas kthimit nga shteti italian.
“E ndjera një kohë të gjatë ishte në aparate të frymëmarrjes artificiale. Përkundër të gjitha përpjekjeve të mjekëve dhe infermiereve me terapi intensive, për fat të keq sot ajo ndërroi jetë. Ishte e moshës 66 vjeçe dhe në dosjen e saj mjekësore qëndron se ka pas marrë terapi kronike kundër tensionit të lartë,” tha ministri i Shëndetësisë, Venko Filipçe.
Për shkak të situatës së krijuar me koronavirus, Qeveria sot miratoi masa më rigoroze gjatë fundjavës. Ora policore do të vlejë nga ora 16:00 deri në ora 05:00 të mëngjesit. Rregullorja e re vlen vetëm për ditën e shtunë dhe të diel.
