Ballkani i Hapur, Presidenti Kroacisë: Pa Kosovën, nuk ka kuptim!

Nëse Kosovën nuk e trajton barabartë, Ballkani i Hapur nuk ka kuptim, tha Presidenti i Kroacisë, Zoran Milanoviç, pas takimit me Presidenten e Kosovës, Vjosa Osmani, duke vënë në dyshim dhe qëllimet e kësaj iniciative: Qëllimet e Ballkanit të Hapur nuk janë humane.

“Kroacia është shtete anëtare e BE-së dhe vetëm në mënyrë sipërfaqësore do ta komentoj sepse nuk na prek neve në mënyrë direkt, por nëse iniciativa ka qëllime të mira atëherë duhet ta marrim parasysh me kusht që të merret parasysh që të gjitha shtetet të trajtohen barabartë. Nëse është e kundërta, atëherë duhet pyetur se cilat janë motivet. Nuk mund të them se askush nuk është duke bllokuar rrugën tjetër që ta arrijnë ndonjë qëllim, por Kosova të mbetet anash, kjo gjithsesi nuk duhet të ndodhë. Duhet t’i kemi të qarta se cilat janë motivet. Kroacinë nuk e prek direkt, por lidhja e njerëzve në parim është e mirë, hapja e kufijve është e mirë në parim. Nëse kjo iniciativë nuk e mbulon Kosovën barabartë, atëherë është kushtimisht thënë e pakuptimtë. Serbia duhet vetë të vendosë çka dëshiron. Ky kamuflim i Ballkanit të Hapur me siguri qëllimet nuk janë si të them humane lidhur me këtë iniciativë,” tha presidenti i Kroacisë duke shtuar se do të punojë për të përcjellë në vendet tjera mesazhin se pavarësia e Kosovës duhet të njihet edhe nga pesë vendet e BE-së që ende nuk e kanë njohur.

“Kosovës i duhet një zgjedhje, Kosova nuk është problem, disa shtete të BE-së e dimë se cilat janë ato shtete që nuk e kanë pranuar pavarësinë e Kosovës një apo dy shtete mund t’i kuptoj, por shtetet tjera sinqerisht nuk i kuptoj dhe do të bëjë çka do që është e mundur që t’ia përcjell porosinë time dhe t’ia shpjegoj këtyre personave se për çka bëhet fjalë se unë i njoh edhe burrështetasit e shteteve tjera. Njerëzit nuk janë të mirë informuar, sepse në Kosovë nuk kemi ndonjë rrezik humanitar apo luftë dhe thjesht ka mbetur të fermentohet sikur perimet dimërore dhe kjo nuk është mënyra se si organizatat serioze duhet t’i trajtojnë shtetet,” tha Milanoviç duke vlerësuar se Kosova duhet të punojë për njohje të reja dhe të troket në të gjitha dyert e mundshme të shteteve që nuk kanë njohur.

“Kosova është një shtet i parashikueshëm. Kur ju theksoni diçka parashikueshëm mund të merret fillimisht si ofendim, por jo në Kosovë. Mund të presim dhe e kemi të qartë se çka mund të presim nga institucionet dhe qytetarët me të gjitha shtetet. Është më vështirë në Mal të Zi, nuk është e thjeshtë. Me Bosnje e Hercegovinën është më komplekse, Maqedonia Veriore e Greqinë. Por me Kosovën mund të them se ka besim do të thotë e kemi të qartë se me çfarë kemi të bëjmë me Kosovën edhe pse e di që kemi disa çështje që në pjesën veriore të Kosovës dhe shumë shtete që nuk e kanë pranuar pavarësinë e Kosovës shpresoj që të ndodhë së shpejti, sepse nëse ndalim punën e pranimit të pavarësisë së Kosovës atëherë do të kemi vështirësi. Kosova duhet të punojë me këmbëngulësi që të troket në të gjitha dyert e mundura dhe unë personalisht dhe kolegët e mi do të punojmë që të avokojmë për pavarësinë e Kosovës,” tha presidenti kroat dhe njohës i mirë i rrethanave ballkanike duke përsëritur edhe në Prishtinë se Serbia duhet ta njohë shtetin e Kosovës.

“Gjithsesi duhet ta kemi të qartë se cilat janë qëllimet, por Serbia duhet ta njohë Kosovën. E kemi parë situatën kur bëhet fjalë për Beogradin, në rend të parë mendohet se ndoshta nuk është mirë nëse qeveria ndryshon shpejt në zgjedhje sepse ndonjë qeveri nuk do të dedikohet në ndonjë çështje sepse ndoshta ndërrohet qeveria dhe ndoshta kjo është një arsye se pse nuk pranohet pavarësia e Kosovës. Gjithsesi në Serbi kemi qeveritë e njëjta, por nuk pranohet pavarësia e Kosovës. Do të thotë çfarëdo arsyetimi të mos pranimit të pavarësisë së Kosovës nga ana e Serbisë, është i thatë. Ne nuk shohim ndonjë rrezik për Kosovën, por çka shoh si rrezik është stagnimi i shtetit pa frustrime për shkak të stagnimit apo jo kënaqësisë të të rinjve, migrimi i popullatës për shkak të të hyrave.“

I pyetur nëse Serbia do të anëtarësohet në Bashkimin Evropian pa e njohur Kosovën, Presidenti i Kroacisë, Zoran Milanoviç është i bindur se qeveria aktuale serbe do që të qëndrojë në pushtet dhe nuk e ka prioritet integrimin evropian.

Ndryshe, Presidenti i Kroacisë, Zoran Milanoviç, në kuadër të vizitës zyrtare në Kosovë ka takuar edhe Kryetarin e Parlamentit, Glauk Konjufca, dhe Kryeministrin Albin Kurti.