Ballkani në BE, Mogherini: Ndryshe, do të pendohemi!

Përfaqësuesja e Lartë për Politikë të Jashtme dhe Siguri pranë BE, Federica Mogherini, në fjalën e fundit në Konferencën e Ambasadorëve të Bashkimit Evropian tha se nga zgjerimi nuk do të përfitojë vetëm Ballkani por të gjithë ne, dhe nëse nuk e bëjmë këtë, jam e sigurt që do të pendohemi”-

“Kemi interes të qartë ta sjellim të gjithë Ballkanin brenda Bashkimit Evropian dhe të gjithë e dimë që bëhet fjalë për një proces të gjatë dhe të komplikuar. Do të na duhet të zgjidhim shumë probleme, duhet angazhimi politik nga të gjitha palët, kurajo dhe lidership,” tha shefja e diplomacisë evropiane duke e bërë të qartë se nga zgjerimi nuk do të përfitojë vetëm Ballkani.

“Nga zgjerimi nuk do të përfitojë vetëm Ballkani por të gjithë ne, pasi edhe ne kemi nevojë për të. Nuk bëhet fjalë vetëm për zgjerim por për unifikin të të gjithë Evropës”.

Në fund, Përfaqësuesja e Lartë për Politikë të Jashtme dhe Siguri pranë BE, Federica Mogherini, para Ambasadorëve të Bashkimit Evropian tha se është koha të tregohemi të zgjuar dhe të ndërmarrim hapat e mëtejshëm drejt unifikimit të familjes sonë europiane.

“Nëse nuk e bëjmë këtë, jam e sigurt që do të pendohemi.”