Ballkani në recesion! BB: Situata më e keqe në Kosovë, ja projeksioni për Shqipërinë…

Ekonomitë e shteteve të Ballkanit do të goditen ashtu si dhe ato të shteteve të tjera në botë si pasojë e pandemisë së koronavirusit duke u zhytur në recesion. Madje, sipas Bankës Botërore, rënia e Prodhimit të Brendshëm Burto mund të shkoj deri në 11.3 për qind, thekson sot BB në Raportin e Rregullt për Ballkanin Perëndimor, RER.

RER i cili projekton skenaret bazë dhe ato në rastin më të keq, bazuar në situatën e shkaktuar nga pandemia, parashikon se rritja ekonomike rajonale e Ballkanit Perëndimor gjithsesi do të jetë negative, dhe sipas të gjitha gjasave do të varioj nga -3 deri në  -5.6 për qind.

Një rënie e tillë është parashikuar me kushtin që pandemia në Evropë së shpejti do të ngadalësohet, që do të thotë se masat e rrepta mund të anulohen deri në fund të muajit qershor dhe se përmirësimi i situatës gradualisht mund të bëhet në gjysmën e dytë të vitit 2020. 

Skenari i keq parashikohet me vazhdimin e pandemisë dhe anulimin e masave për parandalimin e përhapjes së koronavirusit në fund të muajit gusht, dhe fillimin e përmirësimit të aktivitetit ekonomik vetëm në katërmujorin e fundit të vitit 2020.    

Projeksioni më i keq për Kosovën

Projeksioni më i keq është parashikuar për Kosovën, i cili në rastin më të mirë e pret një rënie e PBB prej 4.5 për qind, e në rast të zhvillimit të keq të situatës kjo rënie do të shkoj deri në 11.3 për qind.

Parashikime të ngjashme janë bërë edhe për Malin e Zi, i cili në rastin e ndalimit të shpejtë të përhapjes së koronavirusit e pret një rënie ekonomike prej 5.6 për qind dhe në rast se pandemia vazhdon deri në verën e vonshme, kjo rënie do të shkoj deri në  8.9 për qind.

Këtyre gjurmëve është dhe Shqipëria, e cila mund të llogaritë një rënie prej 5 përkatësisht 6.9 për qind.

Projeksioni më i mirë për Maqedoninë

Për Bosnje Hercegvoinën është projektuar një skenar më i mirë i cili parashikon një rënie prej 3.2 përkatësisht 4.2 për qind. Serbinë e pret një përqindje negative prej 2.5 përkatësisht 5.3 për qind, ndërsa dëmin më të vogël sipas Bankës Botërore do ta pësoj Maqedonia e Veriut , për ekonominë e së cilës vlerësohet se do të shënoj një rënie prej 1.4 deri në 3.2 për qind.

“Edhe pse është e vështirë të parashikohet ndikimi ekonomik i pandemisë, padyshim që shkakton kaos në jetë në gjithë rajonin sepse ngarkon sistemin shëndetësor, paralizon aktivitetin ekonomik dhe cenon mirëqenien e njerëzve,” tha Drejtorja e Departamentit për Ballkanin Perëndimor pranë Bankës Botërore, Linda Van Gelder.

Përmirësimi i ekonomisë nga pasojat e pandemisë COVID-19 është i mundshëm vetëm në një periudhë afatmesme, por, thekson raporti, kjo do të varet nga kohëzgjatja e masave të bllokimit si dhe masave që qeveritë e shteteve do të ndërmarrin në rajon për tu përballur me pasojat.

Shtetet e Ballkanit Perëndimor do të kenë fatin që i pret edhe ekonomitë tjera në botë për shkak të pandemisë së koronavirusit, dhe këtë vit pritet të zhyten në recesion, që në skenarin më të keq të mundshëm, për disa prej tyre do të thotë rënie e Prodhimit të Brendshëm Bruto deri në 11.3 për qind, theksojnë rezultatet e analizës që sot është publikuar nga Banka Batërore.