Ballkani, pika e grumbullimit të njerëzve që nuk i do Evropa

Më falni në shprehje, për sharjen, sepse do të them – “ne”.

Borisllav Pekiç e ka vërejtur se si shprehja “kjo është njerëzore” përdoret vetëm kur duhet të arsyetohet ndonjë gjë e pistë të cilën e kanë bërë njerëzit e mirë. Gënjeu për të kërkuar punë, kjo është njerëzore. I mungonte, dhe e vjedh, kjo është njerëzore. Mashtroi gruan, çfarë t’i bësh, është njerëzore.

Dhe kështu me radhë, gjëra të ngjashme. Nuk mund të dëgjoni që dikush t’ju flas për nikoqirin nga Klladusha e Madhe (Bosnje Hercegovinë) i cili mbylli restorantin e tij për ti vendosur dhe ushqyer refugjatët nga Siria, dhe në fund duke marrë frymë të thotë, ah, kjo është njerëzore. Heroizma të rrallë, edhe më të rralla viktimizimet në emër të besimin në ide, të rralla më shumë se gjithçka në botë, dashuria e pastër, asgjë nga kjo nuk do të rrëfehet me titullin “kjo është njerëzore “.

E, pikërisht si “njerëzore”, edhe “ne”, sipas rregullit, përdoremi kur duhet të mbulohet ndonjë pisllëk. Sepse, e qartë, pisllëku i cili me një fjalë është kolektiv, është njerëzor, çfarë t’ju them. Turpin e përbashkët, është e lehtë, madje shumë e lehtë ta bartësh. Për këtë arsye, llumi i arsyeton pisllëqet e veta me qëllime madhore, në emër të bashkësisë. Për këtë arsye llumi e do “ne”. Edhe pse është llum, llum në njejës dhe shumës.

Më falni, me “ne” që përdori vetëm pse komisioneri evropian për zgjerimin Johannes Hahn para pak kohësh i çoj edhe një letër Ballkanit Perëndimor. E kjo, më falni, jemi “ne”. Kur Brukseli i drejtohet qytetarëve të Ballkanit me “ju”, kjo nuk është pse vlerëson individin e çmuar, por sepse i drejtohet kopesë.

Problemet e Hahnit

Johannes Hahn porositi se vendet e Ballkanit Perëndimor duhet të përgatiten mirë, që para futjes në Bashkimin Evropian të mos i bëjnë probleme anëtareve të tjera.

Zoti Hahn mendon: problem si Italia, qytetarët e së cilës kanë zgjedhur qeverinë light-fashiste, vend i cili jo vetëm që nuk është nga Ballkani Perëndimor por është themelues, baza e BE?

Zoti Hahn mendon: problem si Hungaria, e cila vërtetë është afër, por nuk është në Ballkanin Perëndimor, kryeministrit të të cilit vend, Viktor Orban, presidenti i Komisionit Evropian, Jean-Claude Juncker i thotë “diktator”; Hungaria, e cila me administratën e Brukselit është në konflikt gati çdo ditë?

Zoti Hahn mendon: problem si Britania e Madhe, e cila jo vetëm që nuk është në Ballkanin Perëndimor por nuk dëshiron të jetë as në Bashkimin Evropian?

Zoti Hahn mendon: problem si Polonia, e cila gjithashtu nuk është në Ballkanin Perëndimor, dhe sistemin e drejtësisë refuzon ta harmonizoj me kërkesat e Komisionit Evropian; Dhe ai, Komisioni, ka inicuar procedurën për futjen e sanksioneve Polonisë?

Ose zoti Hahn, ndoshta, mendon në llojin  problemit të cilin shtetet aktuale anëtare të BE, në shekullin e fundit, një shekull e gjysmë, i kanë shkaktuar vendeve të Ballkanit Perëndimor.

Militarizimi dhe fashizmizmi

Në,  për shembull, aneksimin austro-hungarez të Bosnje Hercegovinës? Ose në okupimin e Malit të Zi? Në Luftën e parë botërore, i cili nuk është zhvilluar për shkak të primitivizmit të Ballkanit Perëndior dhe mos përputhjes së saj me “vlerat e drejtësisë evropiane “, por sepse fuqitë e mëdha  nuk arritën të dakordohen rreth ndarjes së ndikimit dhe plaçkës? Ose zoti Hahn mendon në llojin e problemit siç ishte Lufta e dytë botërore, e cila, si ajo e Para, filloj sepse për kapitalizmin, lufta është njëra ndër procedurat për dalje nga kriza?

Ose Lufta e ftohtë, të cilën fuqitë evropiane dhe Amerika e kanë zhvilluar me Rusinë, ndoshta për këtë lloj problemi mendon zoti Hahn?

Ose ndoshta zoti Hahn mendon në atë lloj problemi i cili për qytetarët e Ballkanit Perëndimor dhe pjesën tjetër të botës joperëndimore e paraqet kriza, e cila, po mundohet të mbijetoj përmes proceseve, për momentin, të militarizimit dhe fashizmizmit, e nesër, gjithnjë e mundshme, luftës së re?

Ndoshta zoti Hahn mendon në llojin e problemit që e kanë shkaktuar qeveritë amerikane dhe vendet themeluese të Bashkimit Evropian, në anën “e gabuar” të Mesdheut, pasi që kanë zbatuar disa aksione ilegale, nga rrëzimi i qeverive vendore deri te krimet e luftës me aksione ushtarake në kundërshtim me të drejtën ndërkombëtare, probleme të cilat në fillim me përkëdheli u quajt Pranvera arabe dhe ishte “festival i demokracisë”, e tani quhet katastrofë humanitare dhe festival i lotëve dhe gjakut? Ose ndoshta mendon në problemet të cilat BE i ka menduar ti shkaktoj për Ballkanin Perëndimor duke i hapur qendra të refugjatëve?

E si të mbrohet Ballkani nga BE?    

Bashkimi Evropian do të mbrohet lehtë nga çdo problem të cilin Ballkani Perëndimor mund ta shkaktoj. Por Ballkani Perëndimor nuk mund të mbrohet nga problemet që i shkakton Bashkimi Evropian. Këtu në Ballkanin Perëndimor, nuk prodhohet historia botërore. Këtu ajo vetëm durohet. Vendet e Ballkanit Perëndimor dhe qytetarët e saj, kurrë, me përjashtim të Jugosllavisë jetëshkurtër të Titos, nuk ishin aktorët e historisë botërore (nga rënia e Bizantit, nuk është as Ballkani Lindor, përkatësisht Greqia).

Kufizimet tona janë pa kufi dhe të trishta, por të tilla, pa kufi, nuk janë potencialet e tyre shkatërruese. Luftërat tona janë të përgjakshme dhe të dhunshme, por janë lokale, e pasojat e tyre, edhe pse afatgjata dhe tragjike, në asnjë mënyrë globale. Korrupsioni jonë dhe paligjshmëria është primitive dhe brutale, por për shkak të kësaj nuk lindin mbretëri globale të biznesit dhe nuk bien bursat botërore. Për shkak të fashizmit tonë në kolonat e refugjatëve nisemi “ne”, ndërsa kompleksi amerikano-evropian çon në izolim pjesën tjetër të njerëzimit.

“Ne” nuk jemi ata. Për ata ne jemi “ata”, e ata janë “ata”  për ne. Politika e zgjerimit e cila do të na bashkoj në një “ne” nuk shihet as në horizont.  Kjo në veçanti nuk është një politikë e zgjerimit e cila nënkupton  shtyrjen në pafundësi të anëtarësimit të Ballkanit Perëndimor në Bashkimin Evropian. Kjo në veçanti nuk është një politikë që ka planifikuar, Ballkanin Perëndimor ta bëjë një pikë grumbullimit të njerëzve që Evropa nuk i dëshiron./Al Jazeera Balkans/