Balluku i Fundit!
nga Agim Popoci
Kryeministri i Shqipërisë mund të mos e pranoj vendimin e Gjykatës Kushtetuese për pezullimin e Zv/Kryeministres dhe ministres së Infrastrukturës dhe të kundërshtoj kërkesën e SPAK-ut për arrestim, Komisioni Evropian mund ta qortoj duke i kërkuar heqjen e imunitetit, kreu i Qeverisë mund të vazhdoj të gëlltis gjithë atë mal me mut që tha se e nisi mbrëmjen e së hënës, por, ashtu siç u kryqëzua Jezusi pasi ndau Darkën e Fundit me apostujt e tij, ashtu do të kryqëzohet Edi Rama pas përballjes me Ballukun e Fundit, Belindën!
Ndryshe nga Jezusi i cili parashikoi tradhtinë gjatë vaktit, nga një prej apostujve të pranishëm, tani është Belinda ajo që parashikoi tradhtinë e kësaj partie kriminale, nga përvoja shumë e hidhur e gjyshit të saj, Beqir Balluku!
Lotët e vuajtjeve të Belindës para Gridës në Tunelin e Llogarasë ishin një paralajmërim për Edi Ramën, i cili si katolik i orëve të fundit, siç duket, e njeh vetëm Dhjatën e Re dhe nuk e ka idenë e Eukaristisë, ndryshe do të merrte masa para se të pezullohej nga detyra Bela, kur dhe i vajti në Zyrë, dhe, ishte ajo që i theu bukën!
Nga rrëfimi i Edi Ramës pas hyrjes triumfale në Kryeministri, sot janë shumë fajtorë që ndikuan në formësimin e këtij krimineli që ka përballë sot njërën nga pinjollet e partisë më kriminale që njeh historia e kombit shqiptar! Por, si Barba Pilo që nuk i mësoi as Darkën Mistike dhe as Darkën Sekrete, ashtu dhe Gjyshja e tij Katolike që nuk i mësoi Darkën e Fundit, ose dhe taksisti që nuk i foli se çfarë po zihet nga Ballukët si në Vetting ashtu dhe në Bashkinë Tiranë, kanë mëkatet e tyre pse Edi Ramës iu thye buka në sy nga Belinda, para se ai t’ia bënte të qartë se cili është trupi i tij që ju është dhënë!
Sepse, thjeshtë, nga gjithë vuajtjet që kishte ndjerë në lëkurën e saj dhe ato që iu janë thënë për fundin e gjyshit të tyre të pushtetshëm që nga ditët e para të krijimit të partisë, Bela nuk pa një trajtim ndryshe që do ta veçonte Edi Ramën nga Enver Hoxha, pra, Belindën nga Beqiri, dhe largqoftë trajtimit të ministrave nga Kryeministri Rama, siç i drejtohej Jezusi apostujve të tij duke i përgatitë ata për largimin e tij:
“Të duam njëri-tjetrin siç ju kam dashur juve, miq dhe jo shërbëtorë!”
Bela, si shërbëtore e poshtëruar e Edi Ramës që nga dita e parë kur shkeli në Bashkinë Tiranë e deri në Kryeministri, nuk u ngrohë dot as me vendimin e fundit të Gjykatës së Posaçme për drejtorët hajdutë të 5D që u liruan me shërbim prove, madje as me rastin e Kurbinit kur gjykata konstatoi se 3 të pandehurit kishin premtuar, ofruar dhe u dhanë para zgjedhësve në këmbim të votave për Partinë Socialiste, dhe gjithçka u mbyll duke i dënuar me shërbim prove, sepse Ballukët e kanë modelin se cili është fati i atij që përfundon në burg nga komunistët, edhe kur nuk vjedh miliona euro ose vota pafund!
Por, deliranti Edi Rama që vazhdon dhe mendon se bota shqiptare fillon ditën kur ai erdhi në pushtet, nuk i interesoi as dyshimi që kishte Presidenti jugosllav Tito për pushtetin e Beqir Ballukut ditën kur u takua me të dhe Enver Hoxhën për herë të parë në Beograd, as edhe fakti pse ish-ushtarët në ishullin Sazan përloten sa herë kanë rastin të ulen në kopshtin e vilës së Gjeneral Ballukut; Ndryshe, do ti kushtonte më shumë kujdes se çfarë po bënte Pamela e Ballukëve dhe jo ajo e PD-së!
Madje, kur i lejoi vetes ta ketë fiksim arrestimin e Sali Berishës, Kryeministri i Gysit dhe Taos nuk pyeti veten pse iu ndezë llamba kur një fiksim për Lali Erin u zgjua në shpirtin e vuajtur të Belës, pasi Sajme Qorri përfundoi në burg!
Duke mohuar krimet ose duke mos dashur ta dijë të vërtetën e Barba Pilos dhe të atit Kristaqit si pjesë e një partie kriminale, Edi Rama nuk arriti ta kuptoi se kjo nuk ishte thjeshtë një llambë por instinkt që zgjohet tek njeriu me ADN kriminale; Gjak, të cilin patjetër që do ta ketë edhe Belinda Balluku, por, jo dhe Lali Eri dhe Sajme Qorri që ishin thjeshtë dy copa katunari me horoskop të mirë, që përfunduan në një lum me lekë !
Këtu flenë dhe rreziku i Edi Ramës dhe arsyeja pse iu thye buka në sy nga Bela e Ballukëve, një arrogante me pushtet që mund të vuaj për shumë arsye, por, ashtu si dhe shefi i saj Kryeministër, jo për ligjet që i bënë vetë, sepse, janë vëllezër të një gjaku, kriminal!
Ndërsa ata që u ngazëllyen nga reagimi i KE për imunitetin e Belindës duke e parë fundin e Ramës, ose dhe ata që u irrituan nga reagimi i Edi Ramës që nuk pranon vendimin e Gjykatës Kushtetuese për pezullimin e Ballukut nga detyra të Zv/Kryeministres dhe ministres së Infrastrukutrës dhe paralajmëron ndryshimin e legjislacionit, duhet ta kuptojnë një herë e mirë se kemi të bëjmë thjeshtë me kriminel që nuk ju lëviz as qerpiku pse ekziston Ligji në këtë botë, dhe, fati i tyre vetëm me ligjin më s’ka lidhje; Këtë e ka sqaruar shumë kohë më parë Konti i Parë i Halifaxit dhe Ish-Skeretari i Jashtëm i Mbretërisë së Bashkuar, konservatori britanik Edward Frederick Lindley Wood:
Ligjet, në parim, nuk kuptohen nga tre lloje njerëzish: ata që i bëjnë, ata që i zbatojnë dhe ata që vuajnë nëse i shkelin!
