“‘Balluku” në Parlament, Ambasada Britanike: Imuniteti nuk duhet të jetë pengesë për llogaridhënie të barabartë para ligjit
Pak minuta para fillimit të seanc plenare kur pritet të votohet dhënia e autorizimit nga Parlamenti për arrestimin e deputetes Belinda Balluku ndonëse Edi Rama e bëri të qartë kundërshtimin para Grupit Parlamentar të PS, Ambasada Britanike në Tiranë shprehte se imuniteti nuk duhet të jetë pengesë për llogaridhënie të barabartë para ligjit.
“Ambasada Britanike thekson rëndësinë e ruajtjes së sundimit të ligjit dhe pavarësisë gjyqësore, dhe njeh progresin e Shqipërisë në reformën gjyqësore që nga viti 2016, përfshirë krijimin e SPAK-ut.
Ekzekutivi, Gjyqësori dhe Legjislativi mbeten partnerë të barabartë në mbështetjen e këtij progresi si pjesë e qëllimit të Shqipërisë për arritjen e anëtarësimit në BE,” shprehet Ambasada Britanike në reagimin e saj përmes rrjetit social duke përfunduar:
“Ndërsa imuniteti parlamentar duhet të mbrojë proceset demokratike, ai nuk duhet të jetë pengesë për llogaridhënie të barabartë para ligjit.”
Ndryshe, pas kërkesës së SPAK-ut drejtuar Parlamentit për arrestimin e Zv/Kryeministres dhe Ministres së Infrastrukturës dhe Energjisë, Belinda Balluku, Prokuroria e Posaçme solli para Këshillit të Mandateve dhe Imunitetevedëshmi mbi shkeljet e Ballukut si dhe intimidimet e dëshmitarëve për të hequr dora nga dëshmitë e tyre para GJKKO.
Partia Demokratike në Raportin e saj kërkon dhënien e autorizimit për arrestimin e Belinda Ballukut, ndërsa Edi Rama para Grupit Parlamentar të PS është shprehur qartë se nuk do ta lejoj arrestimin e Ballukut që tashmë e k ashkarkuar nga petku i Zv/Krteministres dhe Ministres!
