Balotelli kthehet me gol te Italia, “axurrët” mposhtin Arabinë Saudite

Mario Balotelli është kthyer te kombëtarja italiane me gol, në debutimin në pankinë të Roberto Mancinit.

Në miqësoren mes “axurrëve” dhe Arabisë Saudite, SuperMario luajti si titullar dhe e shpërbleu besimin e trajnerit të ri të Italisë me një gol të bukur nga jashtë zone.

Në pjesën e dytë Balotelli u zëvendësua nga Belotti, me sulmuesin e Torinos që dyfishoi rezultatin.

Arabia shkurtoi diferencën me Al Shehrin, por Italia nuk pati probleme në mbrojtjen e rezultatit deri në fund të ndeshjes.