“Banditët me uniformë”, Noka: Do përballen me ligjin dhe demokratët!
Pas protestës së 20 shkurtit, me përfundimin e së cilës disa të rinjë u rrahën barbarisht nga patronazhistët me kapuç të Partisë Socialiste, ka reaguar Partia Demokratike përmes Sekretarit të Përgjithshëm Flamur Noka, duke e cilësuar barbari e cila do të shpaguhet ndërsa i rikujtoi banditëve me uniformë se do të brakstisen nga urdhëruesit e tyre, Edi Rama dhe Taulant Balla.
“Banditët me uniformë duhet të dinë një gjë: Tmerrin e Ramës e Ballës ndaj protestës madhështore nuk duhej ta shfrynin me dhunë ndaj të pafajshmëve. Urdhëruesit do i braktisin siç po i braktis Rama bashkëpunëtorët e tij një e nga një. Do përballen me ligjin dhe demokratët!” shprehet Flamur Noka në reagimin e tij përmes rrjetit social Instagram duke e bërë të qartë se nuk do ta harrojnë këtë dhunë barbare ndaj demokratëve që protestuan paqësisht ndërsa përfundon:
“Asgjë nuk harrohet e sidomos kjo barbari ndaj dy të rinjve të pafajshëm, Z. Andrea Malia e Z. Kindi Toli. Çdo kapërcim ligji do të shpaguhet! Ne nuk e harrojmë këtë dhunë barbare ndaj njerëzve tanë, që protestuan qytetarisht e paqësisht.”
Ndryshe, në momentin kur po mbyllej protesta, disa patronazhistë me kapuç në kokën bosh filluan të tërheqin zvarrë disa protestues të rinjë që ndezën ca flakadanë, duke harruar se ishte vetë regjimi që kishte deklaruar se ka vendosur kamera me rezolucion të lartë.
Gjithsesi, kur gjithçka përfundoi pa asnjë problem, pas pak minutash u kuptua që nëse shembet ura e sapondërtuar nuk të arreston njeri, ama kur ndez një flakadanë para Zyrës së diktatorit të Shkodrës, Himarës dhe gjithë Shqipërisë, pasi të tërheqin zvarrë në sy të botës, do të arrestojnë se s’bënë!
