Banka Qendrore Evropiane: Bankat duhet të përcjellin publikimet në rrjetet sociale!

Banka Qendrore Evropiane, ECB, ka kërkuar nga grupi i bankave të përcjellin rrjetet sociale në mënyrë që të zbulojnë publikimet që mund të nxisin një numër të madh të klientëve që të tërheqin paratë, raporton Agjencia e lajmeve Reuters duke ju referuar dy drejtorëve të bankave.

Rregullatorët europian kanë ashpërsuar kontrollet e likuiditetit të bankave pas kolapsit të Silicon Valley Banka dhe Credit Suiss në marsin e vitit të kaluar, rikujtuan burimet që deshtën të mbesin anonim.

Credit Suisse u godit nga një deklaratë e pjesës më të madhe të aksionerëve se nuk do të marrin pjesë në dekapitalizim pas humbjeve të mëdha, që kanë të bëjnë me mekanizmin e mangët të kontrollit të brendshëm si dhe investimeve problematike. Ndërhyri qeveria e cila siguroi garanci dhe arriti ta bashkoj me bankën më të madhe vendore UBS.

Ndërkohë Agjencia europiane për banka, EBA, i ka bërë thirrje rregulatorëve të vendeve të BE që vlerësojnë riskun, duke përfshirë dhe rrjetet sociale, që mund të sjellin përkeqësimin e përceptimit dhe imazhit të bankës.

ECB ndërkohë ka kërkuar nga disa huamarrës që të përcjellin publikimet në rrjetet sociale që mund të krijojnë perceptim negativ në publik, u shprehën burimet e bankës.

Një bankë e madhe ka urdhëruar një ekip të punonjësve që të përcjellin publikimet negative dhe sipas nevojës të lajmërojnë thesarin për të vlerësuar ndikimin e mundshën në depozita, ka sqaruar burimi i bankës.

Ky mekanizëm ndoshta nuk do të parandalojë tërheqjen e parave nga banka, por rregullatorët dhe banka dëshirojnë të jenë në gatishmëri.

Zëdhënësi i ECB, refuzoi ta komentoi këtë informacion.

“Mediat sociale mundësojnë përhapjen më të shpejtë të inforamcionit, por gjithashtu mund të shkaktojnë shok,” është shprehur ECB në rapotin e saj mbi stabilitetin financiar.