Banorët e Unazës së Re në zinxhir/ Gjykata e Apelit, 3 protestuesit e burgosur…

Gjykata e Apelit liroi duke caktuar masën “Arrest shtëpie” për tre protestuesit e arrestuar të Unazës së Re, të cilët ishin me masën “Burg pa afat”. 

Para ndryshimit të masës së arrestit të caktuar nga Gjykata e shkallës së parë, për Gramoz Shehun, Ilir Katirajn dhe Skender Dodën, familjarët dhe banorët e Unazës së Re duke protestuar para Gjykatës, u lidhën me zinxhirë duke simbolizuar dhe situatën në të cilën ata ndodhën, kur shtëpitë po ju shemben për shkak të një projekti korruptiv dhe ata nuk kanë të drejtë të protestojnë.

“Ata u lanë me arrest shtëpie, kjo gjykatë e prokurori vazhon avazin duke na persekutuar. Jo në burg të na fusin, por ne nuk tërhiqemi,” theksuan banorët e Unazës së Re duke shtuar se ndonëse Kryeministri Edi Rama po u heq të drejtën e protestës, ata e paralajmerojnë se nuk do të ndalen.