Barbarët në liri, avokati Sokol Mëngjesi për mjekim të specializuar në Greqi

Derisa tre nga pesë barbarët që goditën për vdekje në qendër të Tiranës, avokatin e Berishës, Sokol Mëngjesi, vazhdojnë të jenë të lirë edhe pse kanë kaluar gjashtë ditë, ndërkohë që mjekët e Spitalit të Traumës paralajmëruan një përmirësim pas gjendjes së tij të rënduar, me kërkesën e familjarëve dhe miratimin e mjekëve, ai u dërgua sot për trajtim më të specializuar në Greqi.

Sot, mjekët deklaruan se gjendja e avokatit Sokol Mëngjesi është përmirësuar, dhe pas gjashtë ditësh në koma skaneri tregon se gjendje është stabilizuar, por nuk u dhanë detaje për përpjekjet për zgjim, siç u paralajmërua 48 orë më parë.

Ndryshe, avokati Sokol Mëngjesi u dhunua mëngjesin e 29 majit, vetëm pak minuta pasi kishte lënë djalin e vogël në kopsht, në zonën e Ish-Bllokut në Tiranë . Njëri prej autorëve, Dorian Alia, u vetëdorëzua duke pranuar se porositës i sulmit është Dritan Nano, dhe se qëllimi i dhunës ishte paralajmërimi që avokati 45 Mëngjesi të tërhiqej nga padia kundër Nanos për të marrë çka i takonte në pronën e fituar me gjyq te kullat e Liqenit. Por, Dritan Nano e ka mohuar të jetë porositës i kësaj dhune!

Ndërkohë tre autorët e tjerë të identifikuar si Drivald Alia, Elton Kasaj dhe Romario Tabaku, dhe me masë arresti me burg të caktuar nga Gjykata, si çdo kriminel i fortë në këtë shtet, vazhdojnë të jenë të lirë!