Barcelonë, kapen me 14 kg kokainë, arrestohen 3 shqiptarë

Agjentët civilë të Mossos d’Esquadra në Barcelonë të Spanjës kanë kapur 14 kilogramë kokainë dhe kanë arrestuar tre shqiptarë që po e transportonin me një makinë.

Operacioni është zhvilluar në lagjen San Martí të Barcelonës, raporton ElSaco, duke dhënë detaje për operacionin i cili filloi pasi Agjentët e grupit Fura de Sant Martí, gjatë patrullimit zbuluan një makinë të dyshimtë dhe panë sesi pasagjerët e saj bënë një shkëmbim. Pikërisht atëherë ata vepruan, duke mundur të kapin tre personat dhe gati 14 kilogramë kokainë që ishte fshehur shumë mirë në makinë dhe 4.000 eurp cash.

Bëhet fjalë për një kapje të konsiderueshme të kësaj droge në qytetin e Barcelonës, ndërsa burime të policisë spanjolle theksojnë se nuk është e zakonshme të gjesh gjithë këtë sasi kokaine gjatë rrugës.

Ndryshe, pak ditë më parë, Prokuroria e Përgjithshme e Shtetit paralajmëroi se porti i Barcelonës është një nga pikat hyrëse të kësaj droge në Evropë dhe kanë frikë se porti i kryeqytetit të Katalonjës do të fitojë terren mbi dy portet më të përdorura nga trafiku i drogës, Holandë dhe Belgjikë.

Nga vinte droga, ku duhej të shkonte dhe rolin e tre shqiptarëve të arrestuar mbetet të sqarohet nga hetimi i Divizionit Hetimeve Kriminale, DIC, të rajonit të Barcelonës dhe specialistët e luftës kundër drogës. .