Baritoni i njohur shqiptar, Ramiz Kovaçi, nderohet ”Qytetar Nderi” i Krujës

Baritoni i njohur shqiptar, Ramiz Kovaçi, është nderuar nga Bashkia Krujë “Qytetar Nderi” pas vdekjes.

Në ceremoninë e organizuar nga Bashkia Krujë në ditën e lindjes së baritonit të njohur, e bija Rajna Kovaçi, vlerësoi punën dhe aktivitetin në nderim të babait të saj.

Grupi  i njohur i pleqve të Krujës, në fund të aktivitetit, kënduan këngën enkas për artistin e madh Ramiz Kovaçi.

Ndryshe, prej sot Kruja stoliset dhe me skulpturën e Nderit të këtij qyteti që mbi supe mbanë dhe titullin e madh “Nderi i Kombit”, baritonit të madh shqiptar Ramiz Kovaçi, vepër kjo e derdhur në bronx nga skulptori i njohur, Muntaz Dhrami.