Barom, ka një rrugë deri te paqja. Lexo!
nga Agim Popoci
Nuk ka njeri mbi këtë tokë shqiptare që e ka menduar se është e lehtë të jesh President i një shteti që ka për Kryeministër Edi Ramën!
Por, ka shumë njerëz mbi këtë tokë shqiptare që nuk e konsiderojnë të pamundur arritjen e paqes edhe në shtetin që për Kryeministër ka një njeri aspak paqësor, arrogant e konfliktuoz si, Edi Rama!
Ja kaq e lehtë ishte ta kuptoj Bajram Begaj në ditën kur vendosi të pranoj ofertën e Edi Ramës se do të jetë President i Republikës, pavarësisht se cila parti e propozoi dhe i dha votën; Pra, Bajram Begaj duhet ta kishte të qartë se nuk duhet të jetë President i Partisë Socialiste si Rexhep Mejdani, President AntiBerishë si Bamir Topi dhe as President AntiRamë si Ilir Meta!
Si gjeneral i ushtrisë shqiptare, mund ta shfletonte dhe Kushtetutën, Neni 86 i së cilës në Pikën 1, thotë: Presidenti i Republikës është Kryetar i Shtetit dhe përfaqëson unitetin e popullit!
Por, çfarë i ndodhi Baromit që u fiksua se nuk ka paqe me demokratët shqiptarë madje duke i konfirmuar Edi Ramës të drejtën për të privuar opozitën nga një e drejtë kushtetuese, Komisioni Hetimor, edhe në momentin kur Kushtetuta i ka dhënë të drejtën Presidentit dhe të heshtë!
Pse nuk heshti, Baromi?!
Sikur të ishte fjala për një njeri me karakter të fortë, e para, ai nuk do të hiqte dorë nga grada e gjeneralit, për tu bërë President! Këtë tradhti ndaj kulmit të karrierës personale në shërbim të atdheut, shumë ekspertë të fushës e konsideruan si një veti të një njeriu pa vlera!
Miti i gjeneralit shqiptar – patriot, i dha gomardaren e shpëtimit këtij njeriu që për shumë pak kohë do të dëshmoj se ekziston për tu mbytur, dhe jo për të shpëtuar, aq më pak shtetin, dhe shumë më pak për të përfaqësuar unitetin e popullit.
Sikur të ishte fjala për një njeri që nuk heshtë kur është me të drejtën e Zotit, zëri i tij jo do të dëgjohej, por, do të buçiste kur Kryeministri Edi Rama publikoi një foto denigruese nga një takim me Barom Presidentin. Por, ai heshti!
Ndoshta edhe e pëlqej përçmimin nga një njeri që nuk respekton asnjeri në këtë botë, por, këtu vetëm ushtarakët nuk u habitën dhe nuk e përsërisnin dot veten për të përkufizuar njeriun që kthen gradën, kulmin e karrierës së tij; Thjeshtë, njeri pa vlerë!
Baromi dhe çdo njeri normal nuk do të qëndronte në heshtje edhe me rastin e fushatës zgjedhore të Edi Ramës kur i bëri thirrje policëve të votojnë, patronazhistëve të shantazhojnë me të dhënat e qytetarëve, dhe në fund manipulimin e zgjedhjeve që ndodhën dhe nuk ishte ndonjë befasi; Madje as vlerësimet ndërkombëtare nuk i hapën gojën Baromit!
Dhe, i erdhi shansi Baromit të hedhë poshtë gjithë këto akuza për ti thënë atyre që kishin hedhur lumin me akuza mbi këtë gjeneral të vdekur të ushtrisë së tronditur, ndryshimet e Ligjit për Komisionet Hetimore!
Dekretimi i këtij Ligji ku kishte futur duart Edi Rama, është turpi më i madh që mund ta bënte Presidenti i Republikës, dhe, sot, nuk ka se pse qëndron në atë fron!
Nëse Edi Rama ka mazhorancën dhe pas fiaskos që përjetoi me Komisionin Hetimor për Inceneratorët qëndis një Ligj që nuk do ti jap shans më opozitës ta përsëris një transparencë të tillë, të një vjedhje që më nuk është misterioze, ky është problemi shumë i madh që ka Kryeministri, por pse duhet ta ketë edhe Presidenti?!
Me miratimin e këtij pisllëku ligjor nga Presidenti i Republikës, ky vend mbetet pa njeri jo vetëm në mazhorancë që mendon për unitetin e popullit, por, pa njeri që mendon dhe për paqen që aq shumë e ka trazuar një monstër politike: Edi Rama!
Pasi nxori dekretin “Për shpalljen e ligjit nr. 106/2023, “Për disa shtesa dhe ndryshime në ligjin nr. 8891, datë 2.5.2002, “Për organizimin dhe funksionimin e komisioneve hetimore të Kuvendit”, Baromi sqaron se Shpallja e ligjeve nga Presidenti i Republikës bëhet në përfundim të procedurës së kontrollit kushtetues, gjatë të cilit institucioni verifikon kushtetutshmërinë e dispozitave të reja dhe të procedurës së miratimit të tyre.
Kujdes, procedurës së miratimit të tyre! Që në arsyetimin e parë të dekretimit, Baromi thotë se shkeljet procedurale nuk përbëjnë shkak të vetëmjaftueshëm për kthimin e ligjit për shqyrtim. Dhe, jo vetëm kaq! Duke harruar se kemi të bëjmë me një mekanizëm që e ka opozita për hetimin e mazhorancës, Presidenti i Republikës thotë se nuk mund ta kthejë atë për shqyrtim për shkakun se i mungon konsensusi!
Por, Baromi e ka nda mendjen të mbytet dhe vazhdon me arsyetimin e dytë edhe më banal se i pari! Meqë Edi Rama nuk e mohon dot nismën kushtetuese për Komisionin Hetimor kur atë e kërkojnë 35 deputetë, e përcakton me Ligj se ajo duhet të votohet në Parlament. Pra, për të hetuar mazhorancën, mazhoranca voton vetë, dhe, kjo për Baromin nuk paraqet problem; Kur Edi Rama “detyrimin” e shndërron në “votim të mazhorancës”, Baromi pa pikë turpi e arsyeton me faktin se kjo nuk i zhbën detyrimet që rrjedhin nga Kushtetuta!
Arsyeja e vetme pse ngritet një Komision Hetimor është transparenca, por Baromi e arsyeton reduktimin e transparencës që i bënë Edi Rama duke arsyetuar me faktin se “mbledhjet me dyer të mbyllura” disiplinojnë vendimmarrjen e Komisionit dhe reduktojnë mundësinë e abuzimit me këtë mekanizëm!
Nëse halli i Edi Ramës dhe Baromit është disiplinimi dhe reduktimi i abuzimit, pse nuk janë përfshirë në ndryshime masat ndëshkuese, por, i është mbyllur dera opinionit të gjerë publik për të pa shkeljet ligjore të Edi Ramës, që me ndihmën e mediave që ka në dispozicion Kryeministri, me këto parametra ligjore çdo raporti i Komisionit Hetimor do të shndërrohet lehtësisht në thashethem!
E pranon si të vërtetë se dispozita për marrjen e provave dhe thirrjen e dëshmitarëve me vendim të ndërmjetëm formon regres në raport me ligjin e mëparshëm, por kjo nuk e pengon Baromin që të dekretoj regresin!
Dhe në fund, qershia mbi tortë, refuzimi për përfshirjen e Presidentit të Republikës në procesin e dialogut politik me kthimin e ligjeve për shqyrtim! Baromi mendon se ky nuk është instrument kushtetues që i është dhënë Presidentit të Republikës për të lehtësuar dialogun dhe Ligjet nuk shpallen për hir të “dialogut politik mes palëve”, por si pjesë e procesit legjislativ, për shkakun se kalojnë me sukses filtrin kushtetues.
Barom, dikush është dashtur ta sqaroj se Presidenti është filtër dhe kthimi i Ligjit për shqyrtim është mesazh dhe jo hata, që tregon se Ligji në fjalë po bëhet me qëllim të goditjes, në këtë rast, një nisme të rivalit politik!
Kujt do ti vlen si i tillë?! Hartuesi, pra, Edi Rama e dinë Barom se apelimi i këtij Ligji ndryshe do të konceptohet nga instancat më të larta gjyqësore kur ai kthehet nga Presidenti, por kjo është një çështje që ti nuk e kupton dot, sepse ndryshe nuk do të kishe bërë thirrje për ti dhënë fund konflikteve politike, ruajtjes demokracisë dhe parlamentarizmit, kur ti je tashmë me dashje njëri nga nxitësit e konfliktit.
Barom, nëse e ke menduar ndonjëherë paqen, lexo si arrihet, jo “Kurban” dhe “Refleksion” sepse ato janë broçkulla të një njeriu që mashtron për të ardhur në pushtet, por, lexo për shembull homologun tënd amerikan për nga grada ushtarake që kishe dikur dhe postin e rëndë që mbanë mbi supe, President, Dwight David Eisenhower.
Ky njeri që është vetë historia, shumë kohë para se të zgjedhej Presidenti i 34-të i SHBA, largoi forcat naziste nga Franca dhe ktheu lirinë për ta gëzuar edhe shefi yt Edi Rama në kanalet e Senës, dhe pas përvojave si President amerikan e kuptoj se ekziston vetëm një mjet që të triumfoi paqja, dhe çuditërisht është i ngjashëm me rastin e Shqipërisë ku ti vazhdon e dekreton ligje të turpshme, e Kryeministrit tënd do ti duhej të martohej edhe me nja 10 gra po kaq të pasura si kjo e fundit, që të likuidohet me atdheun e tij: “Të miratohet ligji sipas të cilit, në rast lufte, dëmin e luftës e paguan, fituesi.”
