Basha: Ekonomia shqiptare po vuan nga Ramavirusi!

Gjendja në njësinë Nr. 8 në Tiranë ku qytetarë dhe biznese po përballen me një krizë të thellë ekonomike është e dhimbshme, thekson Kryetari i Partisë Demokratike, Lulzim Basha, pas takimit me biznesin duke konstatuar varfëri, papunësi dhe shumë biznese që falimentojnë ndërsa shton:

Ekonomia shqiptare po vuan nga Ramavirusi!

Qytetarët nuk kanë marrë asnjë ndihmë të premtuar nga Rama. Nuk ka asnjë projekt konkret për të nxjerrë nga kriza e pandemisë ekonomike biznesin e vogël.

“Shfaqjeve me regji të propagandës së Edi Ramës ju ka dalë boja. Situata e vështirë ekonomike, xhepat e boshatisur, tavolinat e zbrazëta dhe papunësia alarmante janë e vërteta e hidhur që nuk mund të fshihet,” vlerëson Lulzim Basha duke kujtuar se ndërkohë që qytetarët janë në pamundësi, Ramavirusi i dha vetëm dje 727 mijë euro inceneratorit të Tiranës ndërsa përfundon:

“Kjo qeveri dhe ky kryeministër janë sot barra më e rëndë dhe e keqja më e madhe për qytetarët shqiptarë.”