Basha i mbyll dyert Komisionit Rithemelimit, Noka: Më 8 janar, PD rikthehet në shtëpi lirie!

Sot kur Lulzim Bashës i skadon afati i lirimit të zyrave, një grup deputetësh nga Komisioni i Rithemelimit të Partisë Demokratike ashtu siç paralajmëroi iu drejtua selisë së PD në orën 12.30 por i gjeti të mbyllura dyert.

Deputeti demokrat Flamur Noka i shoqëruar nga Sorina Koti, Edmond Spaho, Luçiano Boçi dhe Tritan Shehu, pasi nuk arriti të futet në selinë e PD u shpreh se shtëpia e lirisë është kthyer në një Alkatraz të kohëve moderne.

“Një grup deputetësh dhe deputetesh anëtarë të grupit PD, erdhëm sot në selinë e PD, në Shtëpinë tonë, për të zhvilluar një takim dhe një mbledhje në lidhje me axhendën për 2022. Ajo që po konstatojmë me dhimbje është se shtëpia e lirisë, PD sot duhet të ishte një ambjent ku të gumëzhinte, ambjent festiv që të bashkonte të gjithë demokratët,  por për fat të keq Edi Rama e ka kthyer me pengun e tij në një Alkatraz të kohëve moderne. Gjithçka e mbyllur e blinduar, thua se e ka kthyer PD në një burg të sigurisë së lartë. Kjo është e turpshme e neveritshme,” tha deputeti Flamur Noka duke përfunduar:

“Pengu i Ramës mund të rrijë i vetëburgosur, si mënyra më e mirë që Rama të zgjasë pushtetin. Rama e ka gabim, kurrë nuk mund të burgosë shpirtin e lirë të demokratëve. Data 8 do jetë një ditë që demokratët do marrin frymë lirisht, nga shtëpia e lirisë. Në mënyrën më paqësore, demokratët nga Alkatraz do e kthejnë në shtëpi lirie këtë seli.”

Pas këtij akti të shëmtuar, Gazment Bardhi ka dalur në një të paskrupullt publike duke sqaruar se dera e selisë PD është e mbyllur sepse po bëhen punime brenda në seli!