Basha informon reporterët e Shqipërisë: Protesta, dhuna policore, shoqërimet e gazetarëve…

Kryetari i Partisë Demokratike Lulzim Basha në një takim virtual me reporterët Joseph O’Reilly nga Irlanda, njëkohësisht dhe reporter i EPP/CD, si dhe me Petter Eide nga Norvegjia diskutuan edhe për situatën e ditëve të fundit dhe vrasjen e 25 vjeçarit Klodian Rasha nga një efektiv i Policisë së Shtetit si dhe përpjekjet kriminale për të manipuluar vrasjen.

Burime nga PD bëjnë të ditur se gjatë bashkebisedimit Lulzim Basha, informoi reporterët edhe me pengimin e së drejtës së informimit dhe me shoqërimin dhe dhunimin e disa gazetarëve, duke sjellë një shkelje flagrante të lirisë së medias në vend.

Gjatë bisedës ai i solli në vemendje reporterëve shkeljen e të drejtave të njeriut nga dhuna e policisë.

Mësohet se takimi i planifikuar me reporterët ka pasur si temë diskutimi dhe zhvillimet e fundit të situatës së pandemisë, ekonomisë dhe politikës.