Basha: Kemi një plan shumë të qartë për të mbrojtur Teatrin, apeli për Metën dhe paralajmërimi…

Kryetari i Partisë Demokratike, Lulzim Basha, shprehu gadishmërinë e forcës politike që drejton për të ndërmarrë çdo hap, me qëllim mbrojtjen e Teatrit Kombëtar dhe moslejimin e planit të Edi Ramës për ngritjen e kullave.

Ndërsa e konsideroi pr/ligjin e kaluar në qeveri, si grabitje të Teatrit Kombëtar, kreu i PD-së theksoi se kemi plan të qartë për teatrin.

“Ne do ta kundërshtojmë këtë projekt grabitjeje, me te cilin Edi Rama do të marrë 50% të milionave të drogës.

Së pari, do e kundërshtojmë në seancën e 5 korrikut me të gjitha format këtë grabitje. Në çdo instancë të Kuvendit.

Së dyti do i kërkojmë Presidentit Meta të mos bëhet pjesë e grabitjes dhe ti vërë veton çdo ligji që Rama do të kalojë në Kuvend.

Së treti do bëjmë presion te faktori ndërkombëtar për këtë çështje dhe do të protestojmë, do të thërrasim qytetarët në protestë”, theksoi Basha.