Basha: Me votë plebishitare do të largojmë të keqen, Edi Rama!

Kryetari i Partisë Demokratike, Lulzim Basha, tha se Edi Rama doli zbuluar se me shkatërrimin e Teatrit Kombëtar do të shkatërronte edhe Reformën Zgjedhore; Dhe, garantoi, se Opozita e Bashkuar është e veondosur që me votë plebishitare ta largojë këtë të keqe me emrin: Edi Rama!

“Loja e Edi Ramës me shpresën se duke shkatërruar Teatrin Kombëtar do të shkatërronte edhe Reformën Zgjedhore dhe shanset për t’iu dhënë shqiptarëve një orë e më parë zgjedhje të lira dhe të ndershme dhe të merrte peng procesin e integrimit europian të vendit tani doli zbuluar,” tha Lulzim Basha duke shtuar:

“Të gjithë e kanë parë, shqiptarë dhe të huaj këtë plan mafioz që ka për qëllim të pengojë reformën zgjedhore, të pengojë integrimin europian të vendit dhe të lejojë Edi Ramën të përdorë të njëjtat mekanizma që ka përdorur edhe më parë për të manipuluar vullnetin e shqiptarëve dhe për ta mbajtur Shqipërinë peng të krizave ciklike. Ne jemi të vendosur të mos e lejojmë këtë.”

Në fund, Kryetari i Partisë Demokratike, Lulzim Basha, e bëri të qartë se Opozita e Bashkuar është e vendosur me votë plebishitare ta largojë këtë të keqe që quhet Edi Rama:

PD dhe opozita e bashkuar është e vendosur që t’iu japë shqiptarëve një orë e më parë garancitë për t’iu drejtuar kutive të votimit dhe për t’u bashkuar në një votë plebishitare për të larguar këtë të keqe”, deklaroi Basha.